لاہور۔17دسمبر (اے پی پی):گورنر پنجاب محمد بلیغ الرحمان ءِ گوما ھپتگ ءِ روچ ادا گورنر ہائوس لاہور ءِ تہ یو ایس قونصل جنرل ولیم میکانیولے ءَ گند ءُ نند کتگ۔گند ءُ نند ءِ درگت ءَ پنجاب صوبگ ءُ امریکی استان کیلی فورنیا ءَ را سسٹر سٹیٹ منئگ ءِ منوگر تہ دیمروئی ءِ ھوالہ چہ گپ ءُ تران کنگ بوتگ۔گند ءُ نند ءِ تہ امریکی قونصلیٹ ءِ پولیٹیکل اینڈ اکنامکس چیف کیتھلین گیبلسگو ھم ساڑی ات۔اے موہ سرا گپ ءُ تران کنان ءَ گورنر پنجاب محمد بلیغ الرحمان ءَ گوشت کہ پاکستان ءُ امریکہ ءِ گوما وتی کوھیں سیادی ءَ را شرپے چماں چارگ انت۔آہاں گوشت کہ پنجاب صوبگ ءُ امریکی استان کیلی فورنیا ءَ را سسٹر سٹیٹ منئگ ءِ منوگر سرا دیمروئی شریں گپ انت۔
