اسلام آباد۔16دسمبر (اے پی پی): حال ء ُ اھیوال کاری ء ُ شنگکاری ءِ بنجاہی وزیر مریم اورنگزیب ءَ گشتگ کہ اشت سال گوازگءَ ابید ہم ما اے پی ایس وئیل ءَ را شموشت ناکناں، بزدلیں ناشرکاراں راج ءِ باندات ، معصومیں گوانڈوآنی سرءَ اُرش کتگء ُ آیاناں شہید کتگ، اے روچءَ را یات کناں وتی ارساں داشت ناکناں۔ جمعہ ءِ روچءَ اے پی ایس وئیل ءِ شہید آنی اشتمی سال روچ ءِ موہ ءَ وتی کلوہ ءِ تہا حال ء ُ اھیوال کاری ء ُ شنگکاری ءِ بنجاہی وزیرءَ گشتگ کہ اے پی ایس وئیل ءِ شہیدآں سرجمیں راج ءَ را نا شرکاری ءِ حلاپ ءَ یکجاہ کتگ، 16 ددسمبر ءِ روچ آرمی پبلک وانگ جاہءِ شہید آنی قربانی آنی یاتءَ گیجیت۔ آئی ءَ گشتگ کہ راجے بوہگءِ ارزشتءَ ما ناشرکاری ءَ را پروش دیئگءِ ھاترءَ دراجیں پندے جتگ، ما پاکستان ءَ امنء ُ ایمنی ءِ نیمگءَ گام جنگ ءَ اَنت۔ آئی ءَ دعا کتگ کہ اللہ تعالیٰ آرمی پبلک وانگ جاہ ءِ شہیدآنی درجگاں مزن بہ کنت ء ُ آیانی حانداناں سگء ُاوپار بہ دنت۔
