اسلام آباد۔16دسمبر (اے پی پی): تہی کارانی بنجاہی وزیر رانا ثنا ء اللہ ءَ گشتگ کہ آرمی پبلک وانگ جاہ وئیل ملکی راج دپترءِتہا سیاہ تریں روچ اِنت، زالمء ُ جناوریں ناشرکاراں معصوم ء ُ پھلیں زھگانی سرءَ اُرش کتگ ء ُ آیاناں شہید کتگ، اشت سال گوازگءَ ابید ہم اے وئیل ءِ گم شموشگ بیت۔ آرمی پبلک وانگ جاہ پشاور ءِ شہیدآنی اشتمی سال روچءِ موہءَ وتی کلوہ ءِتہا تہی کارانی بنجاہی وزیر رانا ثنا ء اللہ خان ءَ گشتگ کہ اے پی ایس وئیل ءِ شہیدآں سرجمیں راج ءَ را ناشرکاری ء ُ مذہبی شدت دوستی ءِ حلاپ ءَ یکجاہ بوہگءِ راہ پیش داشتگ، راج ءَ یکجاہ ہوار ناشرکاری ءَرا پروش داتگ۔ آئی ءَ گشتگ کہ 16 دسمبر ءِ روچ اے پی ایس ءِ شہیدآنی قربانی آنی یاتءَ گیج ایت۔ مرچگیں روچءَ ما اے پی ایس ءِ شہید، زھگانی ماتء ُپت ء ُ آیانی بہادری راہ دربرآناں دادء ُ سلام پیش کناں۔ منی دعا اِنت کہ اللہ تعالیٰ آرمی پبلک وانگ جاہ ءِ شہیدآنی درجگاں مزن بہ کنت ء ُ آیانی حانداناں سگء ُاوپار بہ دنت۔
