بلوچستان  ءَ ھوار   سرجمیں ملک ءَ  ھاٹیگ ءِ ڈکال ءَگوں   گیش ءُگیواری ءِ واستہ  جوانیں  کرد  پیلو  کنگ بوھگ ءَانت،  بنجاھی  وزیر آغا حسن  بلوچ

کوئٹہ۔15دسمبر  (اے پی پی): بنجاھی  وزیر سائنس  اینڈ ٹیکنالوجی  آغا حسن  بلوچ ءَ  گوشت کہ بلوچستان ءَ ھوار  سرجمیںملک ءَ ھاٹیگ  ءِڈکال ءِ گوما  گیش ءُ گیواری ءِ  واستہ  جوانیں  گامگیج  چست  کنگ بوھگ ءَ انت۔  سولر  سسٹم   ءَ   را سہرا کنائینگ ءَ چہ  بلوچستان ءِ  زمیندار ءُ محکمہ  کشت ءُ کشار ءِ استیں جیڈھ آنی گیواریءَ کمک  رسیت۔  اے ھیالانی درشانی  آئی ءَ پنچ شمبے ءَ  ادا نیشنل  انرجی   ایفیشنسی  کنزرویشن اتھارٹی، کوئٹہ الیکٹرک سپلائی  ءُ  بلوچستان یونیورسٹی آف انفارمیشن ٹیکنالوجی انجینئرنگ اینڈ منیجمنٹ  سائنسز ءِ نیام ءَ   انرجی ایفیشنسی کنزرویشن   ءِ ھوالگ ءَ  یاتگیر  آنی سر ءَدست چنگلی  مراگش ءَگوں  گشتانک دیان ءَکت۔