پاک بحریہ  زرئی سلامتی   ءِ جیڈھ آنی گوما گیش ءُ گیواری ءُ پاکستان  ءِ  زرئی   سیم سر  آنی رکھینگ  ءِ  واستہ جوانیں کرد ءِ پیلو کنگ ءَ انت،  صدر  مملکت  ڈاکٹر عارف علوی

اسلام آباد/لاہور۔15دسمبر  (اے پی پی):صدر مملکت ڈاکٹر عارف علوی   ءَ گوشت کہ پاک بحریہ   ھواریں سیکورٹی   ءُ زرئی سلامتی  ءِ  جیڈھ آنی گوما  گیش ءُ گیواری    ءُ پاکستان  ءِ زرئی  ءُ  سرڈگاری  سیم سر آنی رکھینگ  ءِ واستہ جوانیں کرد  پیلو کنگ ءَ انت،  پاک بحریہ  ءَ  موسمی مٹ ءُ بدلی آنی سبب ءَ  انوگیں  زوتاں بوتگیں  سیلاپ  ءِ ساھت ءَ  آماچیں مردم آنی  دوا ءُ درمان   ءُ  رسد ءِ پجاری ءَ ریلیف   ءِ  واستہ  جوانیں کرد پیلو  کتگ۔  اے ھیالانی درشانی آئی ءَ  پنچ شمبے ءِ روچءَپاکستان  نیوی  ور کالج  لاہور ءَ پنچمی  میری  ٹائم سیکورٹی ورکشاپ ءَ  گوں گشتانک دیانءَ   کت۔  ڈاکٹر عارف  ءَ  گوشت کہ آ پاک  بحریہ  ءَ را  اے کامیاتیں ورکشاپ   ءِ برجائی ءَ توسیپ ءُ ستا  پیش  کناں،پاکستان نیوری   ملکءَ رارا دیمپانی ادارگ   ءُ نوکیں دور ءَ  اے    ارزشتی انت،   زرئی کشاں چیل  آنی گر ءُ داسر ءِ  واستہ ھمک ملک ءِزرئی  ارد جوانیں  کرد  ءِ پیلو  کنت۔  آئیءَ گیش  تران  ءَ گوشت کہ پاکستان نیوری  ءَ انوگیں بوتگیں سیلاپ  ءَجوانیں کلیتی کرد  پیلو کتگ ءُ  اے نیمگ ءَ  ھاسیں رنگ ءَ سندھ ءَ  جتگیں کیمپ آنی تہءَ  25 ہزار  ھاندان آناں ریسکیو کنگ بوتگ ءُ  90 ہزار  ءَ چہ گیش  مردم آناں   دواءُ  درمان ءِآسراتی پجاری  کنگ بوتگ۔