مزن وزیر  محمد  شہباز شریف ءِ سروکی  ءَ   معاشی برجائی،   ھاٹیگ   ءِ کمیگ ءِ ھلاسی ءِ واستہ   دیدوان،  ھاٹیگ ءِ  بچت  ءِ  راجی    ایمرجنسی   پلان  تیار  کنگ بوتگ،  بنجاھی وزیر  مریم اورنگزیب    ءِ ٹویٹ

اسلام آباد۔15دسمبر  (اے پی پی): بنجاھی وزیر اھوالکاری  ءُ شنگ کاری مریم اورنگزیب  ءَ گوشتگ  کہ مزن وزیر  محمد  شہباز شریف  ءِ سروکی ءَ  معاشی، برجائی،   ھاٹیگ ءِ  کمیگ  ءِ ھلاسی ءِ  واستہ  دیوان برجم بوتگ۔  ھاٹیگ  ءِ رکھینگ   ءِ راجی  ایمرجنسی پلان  تیار  کنگ بوتگ  ایشی ءَ چہ امپورٹ   بل  ءَ   بازیں  کمی  اتکگ،   نہ وشیں جاور ھال  آنی  تہءَ  نہ وشیں پیسلہ کنگ بوتگ۔  پنچ شمبے  ءِ روچ ءَ وتی ٹویٹ ءَ  آئی ءَ گوشتگ کہ  ایمرجنسی   بچت پلان  پکوئیں  منظوری  ءِ  واستہ  کابینہ ءِ دیوان  مرچی  بیت۔  آئیءَ گوشت کہ  توان   دز  آنی  ھلاپ ءَ کریک  ڈائون  ءِ ھم پیسلہ  کنگ  بوتگ۔   جندی  ءُ سرکاری  ماڑی آناں شمسی  ھاٹیگ   ءِ سر ءَ ٹرانسفر  کنگ  ھم  پلان  ءِ بھر انت۔   آئی ءَ گوشت کہ   ایمرجنسی ھاٹیگ   ءِ پلان   ءِ مول ءُمراد  الس  ءَ را معیشت   ءِ سر ءَ زور  ءَ را کم کنگ  اکنت  چیا کہ  میاں اوستمانی منڈی ءَ ٹیل  ءَ ھوار    "ایندھن”  ءِ  قیمت  آنی  تہءَ یک شلی ءَ گیشی بوھگ ءَ انت۔    آئی ءَ گوشت کہ  نہ وشیں جاور  آنی   گوما مقابلہ  کنگ ءِ واستہ   لس گامگیج المی انت   ایشی ءِ تہ ءَ ھمک  پاکستانی   ءَ را وتی کرد ءَ  را  پیلو  کنگ  کپ ائیت۔  توامیں صوبگ  آناں یکجائی  ءَ نیشنل کنزرویشن  پلان  ءِ  پد ءُ رندی   کنگ لوٹ ائیت۔  دیوان  ءَ  تران  کنان ءَ مزن وزیر  ءَ گوشت کہ ھاٹیگ  ءِ  بچت   پاکستان ءِ   پاسبانی ءِ  جیڈھ  انت۔