اسلام آباد۔15دسمبر (اے پی پی):جمہوریہ تاجکستان ءِ صدر مام علی رحمان ءَ پنچ شمبے ءِ روچ ءَ وزیر ءِ دیمپانی خواجہ محمد آصف ءَ گوں گند ءُ نند کت۔ وزیر ءِ دیمپانی ءَ تاجکستان ءِ ارد ءُ سول سروک ءُ آئی ءِ الس آنی واستہ نیکیں واھشت آنی درشان کتگ ءُ اے گپ ءِ سر ءَ چمشانک داتگ کہ اوگانستان ءِ ھمساھگ بوھگ ءِ رد ءَ …
تاجک صدر امام علی رحمان ءِ وزیر ءِ دیمپانی خواجہ محمد آصف ءَ گوں گند ءُ نند، دیمپانی کمک آنی تہءَ گیشی ءِ ھوالگ ءَ ھیال ریچی
اسلام آباد۔15دسمبر (اے پی پی):جمہوریہ تاجکستان ءِ صدر مام علی رحمان ءَ پنچ شمبے ءِ روچ ءَ وزیر ءِ دیمپانی خواجہ محمد آصف ءَ گوں گند ءُ نند کت۔ وزیر ءِ دیمپانی ءَ تاجکستان ءِ ارد ءُ سول سروک ءُ آئی ءِ الس آنی واستہ نیکیں واھشت آنی درشان کتگ ءُ اے گپ ءِ سر ءَ چمشانک داتگ کہ اوگانستان ءِ ھمساھگ بوھگ ءِ رد ءَ پاکستان ءُ تاجکستان دوئیں ھمکچیں سیکورٹی جیڈھ ءُ بیم آنی گوما دیم پہ دیمی کنگ ءَانت۔ پاکستان توامیں جٰڈھ آنی گیواری ءِ سر ءَ دل یکیمی دار ائیت۔ ایمنی ءِ برجائی ءُ دیمروئی ءَ تاجکستان ءِ کوشست آناں آئی ءَ ساڑات۔ اے گپ ءِ سر ءَ تپاک کنگ بوت کہ پاکستانانٹیلی جنس ازمکاری آنی ھوالگءَ گیش ءُ تاجکستان ءِ سلاھ بندیں ارد ءِ گوما تکنیکی ازمکاری ءِ بر ءُ آر ءَ کمک پجاری کنت انت۔ تاجک صدر ءَ وتی حکومت ءِ جزم ءَ را دل یکیمی دات ءُ دو نیمگی یکوئی آناں مھکم جوڑ کنگ ءِ واستہ پاکستان ءِگوما کار کنگ ءِ جزم کتگ۔ آئیءَ وزیر ءِدیمپانی ءَ را زوت تاجکستان ءِ تر ءُ تاب کنگ ءِ دعوت دات۔
