اسلام آباد۔ 14 دسمبر (اے پی پی) وزیراعظم محمد شہباز شریف پارینے کہ حکومت بل اینڈ ملینڈا گیٹس فاؤنڈیشن تون کاریم ءِ برجاتخک تانکہ دا ہیت ءِ پک کننگ مرے کہ اسہ چناس ہم پولیو کون آ خطرناک دین نا گواچی مف۔ چارشنبےنادے آ تینا ٹویٹ اٹی وزیراعظم پارے کہ تدوک آ نن اونا بل گیٹس تون فون آ گپ وتران مس ہراٹی پاکستان نا نوکاپ آن زہمی علاقہ غاتیٹی پولیو نا چٹفنگ نا کسر اٹ بروک اڑاند آتیا گپ وتران کننگا۔ وزیراعظم پارے کہ او انسداد پولیو کن بل گیٹس نا پدریسہ کمکاری آ اونا منت وار ءِ۔
