اسلام آباد۔ 14 دسمبر (اے پی پی) وزیراعظم محمد شہباز شریف تون تاجکستان نا صدر امام علی رحمان اینو( چارشنبےنادے آ) وزیراعظم ہاؤس اٹی اوڑدہی کیک۔ وزیراعظم آفس نا میڈیا ونگ آن جاری بیان نا رداٹ اوڑدہی ٹی ہڑتوم آ کنڈآتا تعلقداری، تین پہ تینی است خواہی نا باندات و علاقائی امور آ سرجم گپ وتران مریک۔ اوڑدہی آن مست تاجک صدر ءِ پاکستان نا سلہہ بند فوج انا کنڈآن گارڈ آف آنر پیش کننگک ہراکہ پاکستان ٹیلی ویژن نیوز آ براہ راست نشان تننگک۔ پاکستان و تاجکستان نا نیام اٹ ڈل انا کہول آ مذاکرات ہم مریک۔ ہڑتوم آ ملک آتا نیام اٹ چندی بشخ آتیٹی کمکاری ءِ ودفنگ کن معاہدہ و معاہدہ غاتا یات داشت آتیا دستخط ہم مریک۔ معاہدہ غاتیا دستخط نا دود پاکستان ٹیلی ویژن نیوز آ براہ راست نشان تننگک۔ داکان بیدس ہڑتوم آ راہشون اسیجائی پریس ٹاک اس ہم کیرہ۔ وزیراعظم تاجک صدر نا شرف اٹی سوارہ اس ہم ایتک۔
