اسلام آباد۔ 14 دسمبر (اے پی پی) بنجائی وزیر خزانہ سینیٹر اسحاق ڈار پارینے کہ ملک اٹی خراج نا دنگ ءِ ودفنگ نا گرج ءِ، پاکستان ءِ ہم زرگزران ءِ سیاست آن جتاکروئی مریک۔ داخیال آتا درشانی ءِ او چارشنبےنادے آ آجو زرگزران شونہال پاکستان فورم آن تران کرسا کرے۔ وزیرخزانہ اسحاق ڈار پارے کہ کورونا دین انا سوب آن بھاز انگا ملک آک خراج ریٹ اٹی ودکی کریر، ننتون ہم خراج ٹو جی ڈی پی ریٹ ءِ ودفنگ آن بیدس پین کسر اف، ای ایف بی آر نا ٹریک اینڈ ٹریس سسٹم نا پورو مخ تفی ءِ کیوہ، گڑاس صنعتی بشخ آتیٹی خراج نا رپورٹنگ نا ایشوہم ارے۔ پاکستان ءِ خراج آتا دنگ ءِ ودفنگ نا گرج ءِ۔ اسحاق ڈار پارے کہ پنچ سال مست نن ہراڑے ئسن و داسہ ہراڑے کُن، تدوک آ 4 سال اٹی اکنامک مینجمنٹ پورو وڑاٹ بے سہب ئس، 4 سال اٹی وام 30 کھرب آن 54 کھرب اسکان سرمسر، دنیا نا چندی بھلا ملک آتا وام ٹوجی ڈی پی پاکستان آن کیہی زیات ءُ۔ بنجائی وزیر پارے کہ بھلو وخت اسے آن چارٹر آف اکانومی نا پاننگ اٹی اُٹ، پاکستان ءِ ہم زرگزران ءِ سیاست آن جتا کروئی مریک، انت امریکہ، جاپان یا برطانیہ ٹی پاننگک کہ اوفتا ملک وام تا مین اٹی اختہ مسنے، انت بنگلہ دیش تون اوار ایلو ملک آک کرنسی مارکیٹ اٹی نیام تمپننگ ءُ، پاکستان نا حکومت ءِ ہم مارکیٹ اٹی مداخلت کروئی تمک۔ اسحاق ڈار پارے کہ اسمگلرز و ہنڈی مافیہ ملک زرگزران ءِ یرغمال کرینو، چمن بارڈر آ یوریا و بھلا مالیت نا ڈالر نا سمگلنگ مننگ ءِ، حکومت اسمگلنگ نا برخلاف آپریشن نا بناءِ کرینے۔ اوپارے کہ دنیا نا چندی بھلا ملک آتا وام ٹو جی ڈی پی پاکستان آن کیہی زیات ءُ، پاکستان نا حکومت ءِ ہم مارکیٹ اٹی مداخلت کروئی تمک۔ سمگلرو ہنڈی مافیا ملکی زرگزران ءِ یرغمال کرینے۔ اوپارے کہ نجکاری نا قابل ادارہ غاتا نجکاری ءِ کروئی مریک، چندی وزارت و ڈویژن نیب آن خوفزدہ ءُ۔ انتظامی خڑچ آتیٹی کمتی کمتی کرسا وام تاادائیگی کننگ مریک، دفاعی خڑچ آتیٹی کمتی کننگ مفک، وام تیا شرح سود انا ادائیگی نا ویل پاکستان ءِ مون تروک ءِ۔ اوپارے کہ سبسڈی نا فائدہ الس ءِ مریک و ہمسایہ ملک 300 یونٹ کاریم اٹ اتوک آتے سبسڈی تسنے، ننے ٹارگٹڈ سبسڈی کروئی مرے و برآمد آتے ودفنگ کن اپٹما ءِ سبسڈی تننگا، راجی رکھ اکن نن بینفشری تیٹی ودکی کرین و زر ءِ ودفین، ای زرگزرانی نظم وضبط ءِ برقرار تخنگ نا سزا کاٹ کریٹ، ای 2013ٹی وزیر اعظم نا صوابدیدی فنڈ ءِ چٹفیٹ، وزیر آتا صوابدیدی فنڈ ءِ چٹفین۔ اوپارے کہ آئی ایم ایف نوکاپ آن بحالی آ خڑچ آتا سرجم آتے بٹنگانے، بحالی نا کاریم تیٹی پنچ آن ہفت تُو لگنگ کیک، آئی ایم ایف نا کنڈآن داسکان فیصلہ مروئی ءِ۔
