اسلام آباد۔ 13 دسمبر (اے پی پی) وزیراعظم محمد شہباز شریف سے شنبےنادے آ اسہ دے ئی دورہ غا سکھر حیدر آباد موٹروے نا بنداو ءِ تخنگ کن سکھر آ سرمسنے۔ وزیراعظم آفس نا میڈیا ونگ آن جاری بیان نا رداٹ سکھر بالی پٹ آ بنجائی وزیر آبی وسیلہ سید خورشید احمد شاہ و وزیراعلیٰ سندھ سید مراد علی شاہ ئسک وزیراعظم و اوڑتون اوار ڈل ءِ بخیرکریر۔ وزیراعظم اول سکھر و ولدا حیدر آباد اٹی موٹروے نا بنداو ءِ تخنگ نا دود آتیٹی بشخ ہلیک۔ وزیراعظم سکھر و حیدر آبا د اٹی 306 کلومیٹر مریس سکھر۔حیدرآباد موٹروے ایم۔6 نا بنداو ءِ تخک۔ سکھر۔حیدرآباد موٹروے پشاور کراچی موٹروے (پی کے ایم) نا آخیریکو بشخ ءِ۔ اوکان پد پاکستان نا غٹ بھلا و اہم شارک موٹروے تون منسلک مریرہ۔ ہندا ڈٹ ءِ پبلک پرائیویٹ پارٹنر شپ انا رداٹ 30 تُو انا گونڈ مد اٹی پورو کننگک۔ وزیراعظم دا وخت آ تران ہم کیک۔
