نوازشریف نا مچ آ ملک ءِ موٹروے نا کمک اٹ گنڈنگ نا تغ انا پوروی نا اینو اسہ اہم ءُ دے اسے، وزیر حوالکاری مریم اورنگزیب

اسلام آباد۔ 13 دسمبر (اے پی پی) وزیر حوالکاری مریم اورنگزیب پارینے کہ نواز شریف نا مچ آ ملک ءِ موٹروے نا کمک اٹ گنڈنگ ناتغ انا پوروی نا اینو اسہ اہم ءُ دے اسے ، 306 کلومیٹر مریس سکھر۔حیدرآباد موٹروےM-6نا بنداو ءِ تخنگ آن پد پشاور کراچی موٹروے (پی کے ایم) نا دا آخیریکو بشخ انا تفنگ آن پد پاکستان نا غٹ بھلا و اہم شار موٹروے تون منسلک مریک۔ سے شنبےنادے آ تینا بیان اٹی بنجائی وزیر حوالکاری و شینکاری مریم اورنگزیب پارے کہ سرکاری و نجی شریداری اٹ ایم 6 ءِ تفنگ انگ ءِ، وزیراعظم شہبازشریف ایم 6 ءِ 30 تُو انا گونڈ مداٹی پورو کننگ نا پارت کرینے۔ اوپارے کہ ڈٹ انا پوروی آن مچ آ پاکستان نا الس ءِ پوسکن، آرام دہ و ترند سفری آسراتی دُوبریک۔ باربرداری و واپاری ہن و بر ترند مریک، شکست آتیان بچفنگ آن بیدس جی ٹی روڈ ٹریفک نا زور اٹی کمتی بریک۔ بنجائی وزیر مریم اورنگزیب پارے کہ گچین شاہراہ تا تفنگ آن شونداری نا نیشنل سپیڈاٹی ودکی مریک ہراڑان پاکستان نا زرگزران آ مثبت اثرتمک۔ ڈٹ انا پوروی آن ملک اٹی کاروباری سرجزآک ترند مریرہ، پوریاگر، صنعت کار و بزغرآتے تینا مصنوعات آتا فراوانی ٹی آسانی ملک۔