اسلام آباد۔ 13 دسمبر (اے پی پی) اسپیکر قومی اسمبلی راجہ پرویز اشرف پارینے کہ آئین پاکستان اٹی قومی ادارہ غاتا برخلاف ہرزہ سرائی و اوفتا سروک آتا تضحیک نا ممانعت ءِ، اومیت ءِ کہ حکومت دا چرجوئی ٹی تینا فرض آن معلومدار ءِ و او کس اسے اوفتا تضحیک نا موکل تفک وخت اس کہ پبلک اکاؤنٹس کمیٹی نا چیئرمین نور عالم خان پارے کہ قومی ادارہ غاتا تضحیک کروک آ بندغ نا دماغی معائنہ ءِ کرفنگے۔ سے شنبےنادے آ قومی اسمبلی ٹی اعتراضی ٹک آ پبلک اکاؤنٹس کمیٹی نا چیئرمین نور عالم خان پارے کہ بنجائی حکومت و این ڈی ایم اے ہراعلاقہ غاتیٹی نوکاپ بس ہموجاگہ نا باسک آتے پت اٹی ہلکر، کنا حلقہ چارسدہ و چترال ہم نوکاپ آن زہمی مسر۔ سندھ اٹی ہم نسخان مس ، ہموڑے صوبائی حکومت و پی ڈی ایم اے باسک آتے پت اٹی ہلکر، سویلی پنجاب و کے پی کے صوبائی حکومت آک و اوفتا سرکڑدہ غاک ہچ ءُ کمک اس کتور و نئے ننتون سلابت کریر۔ خیبرپختونخوا و پنجاب نا حکومت آک ننے نئے بیرہ گوجالار بلکن ٹارگٹ کریر، ننا برخلاف دروغ انا مقدمہ جوڑ کننگ ءُ، ننا ڈغار تیا کوزہ کننگ انگ ءِ، دوست محمد مزاری آ باوہ پیرہ نا مسہ چار سال متکن آ ڈغار آ کیس کننگا، اودے حبس بے جا ٹی تخنگا۔
