اسلام آباد۔ 13 دسمبر (اے پی پی) چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل انعام حیدر ملک نا کماشی ٹی سرکاری دورہ غا تھائی لینڈاٹی ساڑی مسہ باسکی ڈل اقوام متحدہ نا اقتصادی و راجی کمیشن ایشیانا بڑزکو کمامدارآتون بنکاک اٹی اوڑدہی کرے۔ ڈل ڈائریکٹر انفارمیشن اینڈ کمیونیکیشن ٹیکنالوجی و ڈیزاسٹر رسک ریڈکشن ڈویژن (ڈی آر آر) تازیانا بوناپیس، چیف ڈی آر آر ڈویژن ڈاکٹر سنجے کے سری واستا و ڈپٹی چیف ، علاقائی دفتر ایشیاپیسیفک یو این ڈی آر ڈیانا پارتیکا موسقیویر تون اوڑدہی کرے۔ ہراڑے پاکستان اٹی آفت آتا خطرہ غاتا توننگ کن آخبت اٹی کمکاری نا گچین لائحہ عمل اس جوڑ کننگ آ گپ وتران کننگا۔ چیئرمین این ڈی ایم اے اقوام متحدہ نا اہم نمائندہ و عہدیدار آتے قدرتی آفت آتیان مون تروک خطرہ غاتا رداٹ جوڑکروک لائحہ عمل و ڈٹ آتا بارواٹی معلومدار کرے۔ اوزور شاغا کہ موسمیاتی بدلی تا منفی اثرآتون اجتماعی وڑاٹ مون تننگ کن جہانی کہول آ پوسکن آ ٹیکنالوجی ءِ کاریم اٹ اتسا خصوصی گام گیج آتا سخت گرج ءِ۔ داوخت آ ای ایس سی اے پی نا عہدیدار آک این ڈی ایم اے نا کہول آ پاکستان اٹی آفت آتا خطرہ غاتے کم کننگ و پیشگی وارننگ نا بابت لائخی دنگ ءِ ودفنگ کن پٹ وپول و آزموندہ غاتا ہل و تس آ امنا کریر۔ میٹنگ اٹی خطرہ غاتا بابت پیشگی آگاہی و بست وبند آتا بشخ اٹی زرکاری نا اہمیت آ ہم زور شاغسا کاپ۔27 اٹی موسمیاتی بدلی کن لاس اینڈ ڈیمیج فنڈ انا ٹہیفنگ نا ہم ستاءِ کننگا۔ ای ایس سی اے پی نمائندہ غاتا کنڈآن داہم پاننگاکہ پاکستان اٹی موسمیاتی بدلی و اونا اثرآتا بابت جوڑ کروک اپ گریڈ کرسا زوت جاری کننگک تانکہ پیشگی معلومداری تا فراوانی ءِ ممکن کننگ مرے۔ تھائی لینڈاٹی تعینات پاکستانی سفارت خانہ نا سینئر آفیسر و دفاعی اتاشی ہم دیوان اٹی بشخ ہلکر۔
