راولپنڈی۔ 13 دسمبر (اے پی پی) منشیات تور فورس پاکستان چندی کارروائی تیٹی بھلو کچ اسے ٹی منشیات دوئی کرے۔ اے این ایف ترجمان نا رداٹ لسبیلہ نا خڑک بھلو کارروائی اس کننگا و کوئٹہ غان کراچی منشیات اسمگلنگ نا کوشست ءِ بے سہب کننگا۔ ترجمان پارے کہ گاڈی آن 360 کلوچرس و سلہہ دوئی کوئٹہ نا ہنکینی 2 دوبہ دار ءِ دزگیر کننگا۔ داکان بیدس اسلام آباد سنگجانی ٹول پلازہ نا خڑک ٹرک اسے آن 25 کلو 200 گرام چرس و 7 کلو 200 گرام ہفیم دوئی کرسا خیبرنا ہنکینی 2 دوبہ دار ءِ دزگیر کننگا۔ حیدر آباد اٹی کارروائی کرسا دوبہ دار اسے آن 1 کلو 500 گرام ہفیم و 800 گرام چرس دوئی کننگا۔ کوہاٹ درم آدم خیل نا خڑک آن پلاسٹک نا تھیلہ غاتیان 18 کلو چرس دوئی کننگا۔ ترجمان پارے کہ دوبہ دارآتا برخلاف منشیات تور ایکٹ نا رداٹ مقدمہ نوشتہ کرسا جاست وپاست نا بناءِ کننگانے۔
