اسلام آباد۔12دسمبر (اے پی پی): مزن وزیر محمد شہباز شریف ءَ گوشت کہ پاکستان اچ رنگ ءَ ڈکالءِآماچ نہ بیت، اسحاق ڈار ءِ صدر ءَ گوں گند ءُ نند ءَ منی اجازت ءَ چہ بوتگ، ملک ءِمعاشی برجائی، رکھینگ ءُ سلامتی ءِ واستہ سد گام دیم ءَ جنزگ ءِ واستہ تیار آں، عمران نیازی ءُ آئی ءِ ھمبراہ آں بھتام بندگ ءُ چیریک کنگ ءَ ابید اچ نہ کتگ۔ ٹیکی ءَ رستگیں خانہ کعبہ ءِ اکس والائیں گھڑیال ھم آئیءَ لیلام کتگ، مئے ھاندان ءِ ھلاپ ءَ کسد ءُ کینگی ٹرینڈ ءِ چلائینتگ ءِ ، مئے دور ءُ باریگ ءَ رستگیں کمک آناں ساپ ءُ سلہ ایں رنگ ءَ کارمرز کنگ بوتگ، برطانیہ ءِ نینشل کرائم ایجنسی ءَ کلین چٹ داتگ۔ ڈیلی میل ءِ جیڈھ ءِ ھوالگءَ اللہ پاک ءَ مارا وش نام کتگ، جنرل (ر) قمر باجوہ عمران خان ءِ دوست انت بلے عمران نیازی دوست آنی دژمن انت، حکومت ءِ جوانیں جہد ءُ کوشست انت کہ الس آناں پٹرولیم ءِ سامان آنی نیاد آنی تہ ءَ سیت پجاری بہ بیت، پاک اوگان کشاں چیل آنی واستہ زوتیں گوانک ءِ لوٹ جنگ بوتگ، نواز شریف زوت وطن ءَ واتر کئیت، اے ھیالانی درشانی آئیءَ دوشمبے ءَ پریس کانفرنس ءَ گوں گشتانک دیان ء۔ کت۔ اے موہ ءِسر ءَ بنجاھی وزیر ھزانگ اسحاق ڈار، بنجاھی وزیر منصوبگ بندی احسن اقبال ، بنجاھی وزیر کانود اعظم نذیر تارڑ، بنجاھی وزیر اھوالکاری ءُ شنگ کاری مریم اورنگزیب ءِ ھاسیں کمکار عطاء تارڈ ءُ فہد حسین ھم ساڑی ات۔ مزن وزیر ءَ گوشت کہ گوستگیں حکومت ءَ مسلم لیگ (ن) ءِ سروک نواز شریف، من ءَ منی ھاندان ءَرا بدنام کنگ ءِ سلیں کوشست ءِ کتگ۔ مئے ھاندان ءِ سر ءَ بے سر ءُ پادیں بھتام جنگ بوتگ ءُ ٹوھیں ٹرینڈ چلائنگ بوتگ۔
