چیئرمین سینیٹ و ڈپٹی چیئرمین سینیٹ نا چمن بارڈر آ سم کاری و گولہ باری نا ترندانگا لوز آتیٹی مذمت، نہادی و کودک جان تا زیان آ است ہسونی نا درشان

اسلام آباد۔ 12 دسمبر (اے پی پی) چیئرمین سینیٹ محمد صادق سنجرانی چمن بارڈر آ سم کاری و گولہ باری نا ترند انگا لوز آتیٹی مذمت ءِ کرسا نہادی و کودک جان تا زیان آ ڈکھیائی و است ہسونی نا درشانی ءِ کرے۔ سینیٹ سیکرٹریٹ آن جاری بیان نا رداٹ چیئرمین سینیٹ پارے کہ اوغان حکومت داوڑنا واقعہ غاتا توننگ ءِ پک کے۔ سیم آ رہینگوک آ شاری تا رکھ ءِ کننگ ہڑتوم آ ملک آتا زمواری ءِ۔ اوپارے کہ غمزدہ خاہوت آتا ڈکھیائی ٹی بریبرنا شریک ءِ۔ چیئرمین سینیٹ شہید آتا بخشش و ٹھپی مروک آتا زوت دراخ جوڑی کن دعا کرے۔ ڈپٹی چیئرمین سینیٹ مرزامحمد آفریدی ہم چمن بارڈرآ است ہسون واقعہ ناترند انگا لوز آتیٹی مذمت ءِ کرسا کودک جان تا زیان آ ڈکھیائی و است ہسونی نا درشانی ءِ کرینے۔