اسلام آباد ۔ 12 دسمبر (اے پی پی) پاکستان چمن اٹی شاری آبادی آ اوغان بارڈر فورس آتا بلااشتعال و اندھادھند سم کاری نا واقعہ نا ترندی اٹ مذمت ءِ کرینے ہراٹی 6 پاکستانی شاری زوال و 17 ٹھپی مسنو۔ دفترخارجہ نا ترجمان نا کنڈآن جاری بیان نا رداٹ داوڑنا است ہسون واقعہ غاک ہڑتوم آ ملک آتا نیام اٹ برادرانہ تعلقداری تا رداٹ افس۔ بیان اٹی پاننگانے کہ اوغان کمامدارآتے معلومدار کننگانے کہ داوڑنا واقعہ غاتیان پاناد کننگے و زموار آتا برخلاف سخت کارروائی کننگے۔ ترجمان پارے کہ سیم آ شاری تا رکھ ءِ کننگ ہڑتوم آ فریق آتا زمواری ءِ ، ہڑتوم آ ملک آتا تعلقدار کمامدار آک داہیت ءِ پک کننگ کن رابطہ ٹی ءُ کہ حالیت آک پین خراب مفس و تانکہ داوڑنا واقعہ غاتیان بچنگ مرے۔
