چاغی۔ 12 دسمبر (اے پی پی) ضلع چاغی ٹی بلدیاتی گچین کاری تا ارٹ میکو ریسہ کن پولنگ 14 دسمبر 2022 آ مریک۔ ضلعی الیکشن کمیشن تیاری تے پورو کرینے، ارٹ میکو ریسہ ٹی مخصوص نشست آتیا 171 اومیتدار آتا نیام اٹ مقابلہ مریک ۔ مچ آ ضلع ٹی 19 پولنگ اسٹیشن جوڑ کننگک ہرافتے ٹی سیکورٹی نا سخت بست وبند کننگک۔ پولنگ اسٹیشن تیا موبائل فون ناکاریم اٹ اتنگ آ پورو پابندی مریک۔ مخصوص نشست آتیکن 77 زالبول، 46 بزغر، 46 مزور و 2 غیر مسلم اقلیت مقابلہ نا رُمب اٹی اوار ءُ۔ ضلعی الیکشن کمیشن دا چرجوئی ٹی غٹ تیاری تے پورو کرینے۔
