اسلام آباد۔ 12 دسمبر (اے پی پی) اسپیشل اکنامک زونز اتھارٹی پنجاب نا چیئرمین ایس ایم نوید پارینے کہ سی پیک نا رداٹ خصوصی اقتصادی زون پیدواری لائخی ءِ ودفنگ، پاکستان ءِ جہانی ویلیو چین آتون مربوط کننگ و مریس مد اٹی اونا مینو فیکچرنگ انڈسٹری ءِ بحال کننگ نا لائخی تخک، خصوصی اقتصادی زون تا شونداری نا مسخت ملک اٹی جم کاروباری چاگڑد ءِ گچین کننگ ءِ، پاک چین خصوصی اقتصادی زون کمکاری آن پاکستانی زرگزران ءِ مون آ دننگک۔ داخیال آتا درشانی ءِ او میڈیا تون گپ وتران کرسا کرے۔ اوپارے کہ خصوصی اقتصادی زونک پاکستان نا پوسکن آ ’’صنعتی شناخت‘‘ نا تشکیل کن اہم ءُ، ہرافتا رداٹ پاکستان ساڑی آ اقتصادی ڈٹ آتیا کاریم کننگ کن چینی کمپنی تتون ہم کوپہ سلے، جہانی آزموندہ پاہک کہ خصوصی اقتصادی زون ہندی و درملکی براہ راست زرکاری خاص وڑاٹ کم مراعات یافتہ علاقہ غاتیٹی زرگزران نا گیشتر، علاقاءی تفاوت اٹی کمتی، ہندی صنعت آتون تکمیلی پیدوار کن اقتصادی سرجزآتا جھرمٹ، ہندی لیبر فورس انا مہارت نا شونداری، ٹیکنالوجی نا گدریفنگ و علم انا مون آ دننگ، کشش کن اسہ اہم ءُ ذریعہ اسے۔ چیئرمین مستی پارے کہ سی پیک نا رداٹ نہہ خصوصی اقتصادی زون پاکستانی کمپنی تیکن چینی کمپنی تتون ایکسپورٹ آ تالان مینوفیکچرنگ سیکٹر نا شونداری کن کمک کننگ نا مچ آ زند انا موقع مریک۔ دا فرم آتے کلسٹر کننگ و پیشن نا زرگزران تا فائدہ غاتیان فائدہ ہرفنگ و داوڑ نا اُرائی صنعت آتے بڑزکو مہارت دوئی کننگ نا موقع فراوان کیک۔ اوپارے کہ سی پیک نار داٹ خصوصی اقتصادی زون پیدواری لائخی ءِ ودفنگ، پاکستان ءِ جہانی ویلیو چین آتون مربوط کننگ و مریس مد اٹی اونا مینو فیکچرنگ انڈسٹری ءِ بحال کننگ نا لائخی تخک۔ خصوصی اقتصادی زون تا شونداری نا مسخت ملک اٹی جم کاروباری چاگڑد ءِ گچین کننگ ءِ۔ دا زون تیٹی درملکی و ملکی فرم آتیان زرکاری ءِ اتنگ کن گچین انفراسٹرکچر و واپاری آسراتی تا کمک اٹ کننگ مریک۔ اومستی پارے کہ داہیت ہم بھاز اہم ءِ کہ پاکستان اٹی اسہ نزور کانودی نظام اسے، ہرا ملک اٹی درملکی زرکاری ءِ اتنگ اٹ اسہ بھلو اڑاند اسے۔ دا چرجوئی ٹی پاکستان تینا سیکورٹی کانود سازی ءِ سوگو کننگ کن چین آن ہیل کننگ کیک۔ ایس ایم نوید پارے کہ تدوک آ منہ دہائی ٹی چین بھلو حداسسکان خصوصی اقتصادی زون تا بنا و شونداری نا اونا کوشست آتیٹی تاریخ اٹی ملک اسے نا غٹ آن بھلا اقتصادی توسیع نا آزموندہ کرینے۔
