اسلام آباد۔11دسمبر (اے پی پی): وزیر ءِ ھزانگ سینیٹر اسحاق ڈار ءِ سروکی ءَ اقتصادی رابطہ کمیٹی دیوان، حکومت ءِ بلوچستان ءَ را ریکوڈیک منصوبگ ءَ چہ 6 سال ءَ چہ 71 کروڑ 70 لکھ ڈالر ءِ ھوا ریں فنڈنگ ءِ جزم کتگ۔ اقتصادی رابطہ کمٰٹی ءِ دیوان یک شمبے ءَ وزیر ءِ ھزانگ سینیٹر اسحاق ڈار ءِ سروکی ءَ زوم ءِ وسیلگ ءَ برجم بوتگ ایشی ءِ تہ ءَ بنجاھی وزیر توان خرم دستگیر خان، بنجاھی وزیر تجارت سید نوید قمر ، وزیر ءِ مملکت برائے پٹرولیم مصدق ملک ، وزیر ءِ مملکت برائے ھزانگ ڈاکٹر عائشہ غوث پاشا، مزن وزیر ءِ ھاسیں کمکار برائے ریونیو طارق محمود پاشا، بنجاھی سیکرٹریز ، چیئرمین ایف بی آر ءُ ا یندگر ٹوھیں کارندہ آں بھر زوری کت۔ دیوان ءَ کمیٹی ءَ ریکوڈیک منصوبگ ءِ ھوالگ ءَ دو ارزشتی ایں ایجنڈا آئٹمز آنی منظوری دات ایشی ءَ چہ پد ریکوڈیک منصوبگ ءَ را زوت بندات کنگ ءِ کشک ساپ ءُ برجا بیت۔
