راولپنڈی۔11دسمبر (اے پی پی):افغان بارڈر فورسز ءَ بلوچستان ءِ دمگ چمن ءِ تہ شہری آباتی سرا گولہ بارودءُ مارٹر گولہ ءِ ھوار گرانیں سلاھاں گوں کوریں تیر کاری کت ایش ءِ آسر ءَ 6 شہری شہید ءُ 17ٹپی بوتگ انت۔پاک فوج ءِ لس سیادی ءِ تک (آئی ایس پی آر) ءِ نیمگا چہ یک شمبے ءَ جاڑی بیان ءِ ردا افغان بارڈر فورسز ءَبلوچستان ءِ دمگ چمن ءِ شہری آباتی سرا ٹوپاںءُ مارٹرز ءِ ھوار مزنیں وتاساں گوں کوریں تیرکاری کت ایشی آسر ءَ 6 شہری شہید ءُ 17 ٹپی بوتگ انت۔ پاکستانی فورسز ءَ جارحیت ءِ شریں وڈ ءَ پسو داتگ بلے دمگ ءِ تہ معصومیں شہریاں را نشانگ جوڈ کنگ ءَ چہ داشتگ۔پاکستان ءَ جاورھال ءِ نگیگی ءِ ھاترا کابل ءِ تہ اوگان واکداراں گون رھوت کت ءُ باندات ءِ تہ اے رنگیں واکیہ ءِ گرودار ءِ ھاترا سک گام زوورگ ءِ لوٹ ھم کتگ۔
