اسلام آباد۔ 13مئی (اے پی پی) بینک آف چائنا زوت اسے اٹ کراچی ٹی تینا برانچ اس ملک و دا نیٹ ورک ئِ ملک انا ایلو شار تسکان ودفک۔ داہیت انا فیصلہ ئِ ہفتہ نا دے بیجنگ اٹی بنجائی وزیر خزانہ اسحاق ڈار و بینک آف چائنا نا سروک تیان گوبلی نا نیام اٹ اوڑدہی ٹی کننگا۔ وزیر خزانہ اسحاق ڈار بینک آف چائنا نا دا فیصلہ نا خیرمقدم ئِ کرینے۔ اوبینک آف چائنا نا سروک تہان گوبلی ئِ دورہ پاکستان و کراچی ٹی بینک انا اولیکو برانچ نا افتتاح نا سلہ خلک۔ داکان مست بینک آف چائنا نا ہیڈ کوارٹر آ بننگ آ وزیر خزانہ اسحاق ڈار نا گرم جوشی اٹ خیرمقدم ئِ کننگا۔ اوڑدہی ٹی بینک آف چائنا نا سروک گدرینگوک آ چار سال اٹی پاکستان نا اقتصادی سرسہبی و سوگوی نا ستائِ کرے۔ اوکراچی ٹی بینک آف چائنا نا برانچ اس ملنگ نا موکل تننگ آ حکومت پاکستان نا منت واری ئِ ادا کرے۔

متعلقہ مضامینمصنف کی طرف سے مزید