لاہور۔11دسمبر (اے پی پی):گورنر پنجاب محمد بلیغ الرحمان ءِ گوما یک شمبے ءَ ادا گورنر ہاوس لاہور ءِ تہ ھزانگ ءِ بنجاہی وزیر اسحاق ڈار ءَ گند ءُ نند کتگ۔گند ءُ نند ءِ درگت ءَ ملک ءِ سیاسی ءُ معاشی جاورھال ءِ ھوار لہتیں معاملہانی سرا ھیال ریچی کنگ بوتگ۔اے درگت ءَ گپ ءُ تران کنان ءَ گورنر پنجاب محمد بلیغ الرحمانءَ گوشت کہ مزن وزیر ،گلءُ دراھیں راج ءِ چم شمے نیمگا انت ، انشا اللہ شمہ ءُ شمے تجربہ کار ٹیمب زوت ملک ءِ معاشی جنجال ءَ چہ در کش ایت ۔ آہاں گوشت کہ ملک تہ دیمروئی ءِ سفر نوکیں عزم ءُ جوزگ ءَ دوبر بندات کنگ ءِ ھاترا پرجزم انت۔ گورنر پنجاب ءَ گوشت کہ مزن وزیر پاکستان ءِ راھشونی ءِ تہ سرجمیں بنجاہی کابینہ ءُ حکومت کوشست ءَ کنگ انت کہ مہلوک ءَ را گیش ءَ گیش ریلیف دیگ بیت۔
