کوئٹہ۔10دسمبر (اے پی پی): سر وزیر بلوچستان میر عبدالقدوس بزنجو ءَ بنی آدمی ھک آنی میاں اوستمانی روچ ءِ موہ ءَ وتی کلوہ ءَ گوشتگ کہ اے روچ ءَ را برجم دارگ بنی آدمی ھک آنی رکھینگ ءِ واستہ مئے پکوئیں جزم ءِ ٹک ءُ نشان ءَ دنت۔ یونائیٹڈ نیشن ءِ نیمگ ءَ 1948 ءَ چہ بنی آدمی ھک آنی میاں اوستمانی روچ ءِ برجم دارگ ءِ مول ءُ مراد دگنیا ءِ دلگوش ءَ را بنی ادمی ھک ءُ شرپ ءِ رکھینگ ءِ نیمگ ءَ دلگوش دیگ انت۔ یونائیٹڈ نیشن ءِ نیمگ ءَ بنی آدمی ھک آنی میاں اوستمانی روچ ءِ برجم دارگ ءِ بنگیج ءَ چہ باز پیسر مئے نیک راھ اسلام ءَ بنی آدمی ھک آنی مھکم داری ءِ زانشت داتگ۔ آئی ءَ گوشت کہ اللہ پاک ءِنزیک ءَ بنی آدم آنی ھک باز ارزشت دار ائیت۔ حکومت بنی آدمی ھک آنی رکھینگ ءَ را ھمک رنگیں دل یکیمی جوڑ کنت۔ یونائیٹڈ نیشن ءِ منوگری آنی رد ءَ کشمیر ءِ بنی آدم آنی ھک آنی رکھینگ ءِ ھوالگ ءَ میاں اوستمانی دگنیا ءِ مردم بھارت ءِ ظلم ءُ زوراکی آناں گر ءُ دار ءِ واستہ گامگیج بکن انت۔
