اسلام آباد۔10دسمبر (اے پی پی): مزن وزیر محمد شہباز شریف ءَ رانا ثنا ء اللہ ءِ منشیات اسمگلنگ کیس ءَ چہ برئی بوھگ ءِ پد ءَ وشی ءِ درشان ءَ کنان ءَ گوشتگ کہ آئی ءِ سر ءَ دروگیں کیس سیاسی بیر گیری ءِ پد ءَ سلیں درور برجا کتگ، اللہ پاک ءُ آئی ءِ رسول کریم ءِ کسم وروک دروگ بندوک آناں مرچی اللہ پاک ءَ گوں توبہ کنگ لوٹ ائیت، رانا ثناء اللہ ءِ ھلاپ ءَ دروگیں کیس جوڑ کنگ ءُ آمید گس ءَ آئی ءِ برئیبوھگ الس ءِ وستہ ھم درور ات پیسریگیں حکومت ءَ کجام کجام رنگیں دروگ بستگ ءُبے سر ءُ پادیں کیس جوڑ کتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیانءِ رد ءَ مزن وزیر محمد شہباز شریف ءَ گوشتگ کہ اللہ پاک ءِ شگر انت آئی ءَ بےکسوریں رانا ثناء اللہ ءَرا انصاف پجارینتگ۔ اللہ پاک ءُ آئی ءِ رسول ءِ کسم وروک دروگ بند آناں مرچی اللہ پاک ءَ گوں توبہ کنگ لوٹ ائیت۔ مزن وزیر ءَ گوشت کہ رانا ثنا ء اللہ ءِ ھلاپ ءَ دروگیںکیس جوڑ کنگ ءُ آمید گس ءَ چہ آئی ءِ برئی بوھگ الس ءِ واستہ دروری انت کہ پیسریگیں حکومت ءَ کجام کجام دروگ بستگ ءُبے سر ءُپادیں کیس جوڑ کتگ۔
