اسلام آباد۔9دسمبر (اے پی پی):مزن وزیر ءِ مشیر برائے کشمیر ءِ کار ءُ گلگت بلتستان قمر زمان کائرہ ءُ بنجاھی وزیر برائے بنی آدمی ھک ریاض حسین پیر زادہ ءَ میاں اوستمانی برات آں گوں لوٹ کتگ کہ آ کشمیر ءَ بھارت ءُفلسطین ءَ اسرائیل ءِ بنی آدمی ھک آنی لگت مال کنگ ءِ بابت ءَ نوٹس زرتگ، عمران خان ڈیلی میل ءِ وڑ ءَ شہباز شریف ءِ کردار کشی ءُ پاکستان ءِ شرپ ءَ را تاوان پجاری ءَ راج ءَ چہ ماپی بہ لوٹ ائیت، آزات کشمیر ءِ بلدیاتی گچین کاری ءَ پیپلز پارٹی ءُ مسلم لیگ ن ءِ ھوار یں رنگ ءَپی ٹیآئی ء۔ چہ گیش سیٹ گپتگ، پاکستان ءَ را استیں جاور آں چہ در کنگ ءِ واستہ یکوئی ءِ ضلورت انت، لستیں ملک ھلاپ کنوک آنی ھلاپ ءَ وتاس کارمرز کناں، پاکستان کشمیر ءِ گوما ھمگام ءَ اوشتاتگ، آ شکمیری آنی دلبڈی ءَ را ڈگار ءَ جت نہ کناں۔ اے ھیالانی درشانی آئی ءَ آدینگ ءِ روچ ءَ اسلام آباد ءَپریس کانفرنس گوں گشتانک دیانءَ کت۔ قمر زمان کائرہ ءَ گوشت کہ پاکستان مدام وتی کشمیری برات آنی گوما ھمکوپگ ءَ اوشتاتگ، کشمیر ءِ مردم آنی کوشگ، زالبول آنی ریپ ، کرفیو ءِ جنگ، شہری دمگ آنی تہ ءَ ارد آنی پوسٹنگ ، شہید آنی جنازہ ءِ وانگ ءَ چہ دارگ ءَ ھوار توامیں گامگیج آں ابید کشمیر ی آنی دلبڈی ڈگار ءَ نہ کہ زیک جنگ بوتگ ءُ نا کہ ایش دیمتر ءَ ڈگار ءَ جنگ بنت۔ کشمیر ءُ فلسطین ءَ دگنیا ءِ درستاں چہ مستریں بنی آدمی ھک آنی ھلاپ ورزی بیت ءُ اے ظلم طاقت ءِ زور ءَ بوھگ ءَ انت۔
