گوادر اٹی تپاخت کروک آ 9 مزور آتا درستی و راستی
کوئٹہ۔ 13مئی (اے پی پی) وزیراعلیٰ بلوچستان نواب ثناءاللہ خان زہری گوادر اٹی مزور آتیا سم کاری نا واقعہ نا مذمت ئِ کرینے۔ داکان بیدس گوادر اٹی تپاخت کروک آ نہہ مزور آتا درستی راستی مسنے۔ وزیراعلیٰ بلوچستان نواب ثناءاللہ زہری گوادر اٹی مزور آتیا سم کاری نا واقعہ نا مذمت ئِ کرسا پارینے کہ گوادر و بلوچستان نا شونداری ئِ توننگ نا ہر ناپاک چمب ئِ بے سہب جوڑ کننگک۔ وزیراعلیٰ زہمی خاہوت آتون یکجہتی نا درشانی ئِ کرسا ڈکھ و غم نا درشانی ئِ کرینے۔ ہموڑے ڈپٹی کمشنر گوادر نا رداٹ نوشیرو فیروز سندھ آن تعلق تخوک آ نہہ مزور آتیٹی محمد خان، علی دوست، شعبان ، عبدالحکیم ، رسول بخش، وحید، ظہیر، صدام و آصف اوار ئُ۔
