کل جماعتی حریت کانفرنس نا کنڈآن اسلام آباد اٹی ہفتہ نادے آ بھارت نا برخلاف برانزی مچی اس مریک

اسلام آباد۔ 09 دسمبر (اے پی پی) کل جماعتی حریت کانفرنس نا کنڈآن انسانی حق انا جہانی دے انا وخت آ بنجائی دارالحکومت اسلام آباد اٹی ہفتہ نادے  مقبوضہ جموں وکشمیر اٹی بھارتی ظلم و جور انا برخلاف برانزی مچی اس کننگک۔ حریت کانفرنس نا کنڈآن دا برانزی مچی ءِ اقوام متحدہ نا دفترنا مون آ کننگک۔ داوخت آ اقوام متحدہ نا فوجی مبصر آتے کل جماعتی حریت کانفرنس نا کنڈآن یو این سیکرٹری جنرل نا پن یات داشت ہم پیش کننگک، ہراٹی اقوام متحدہ نا سیکرٹری جنرل آ مقبوضہ کشمیر اٹی بھارتی فوجی ظلم ءِ بند کرفنگ و کشمیر نا ویل انا ایسری کن یواین قرارداد آتے دمدستی عملی دروشم اس تننگ آ زور شاغنگک۔