دیمروئی ء ُ وشھالی ءِ کشک ءَ کرپشن یک مزنیں رکاوٹ اِت،  چاگردی ارزشت ءِ زوال کرپشن ءَ را  گیش کنت، مزن وزیر محمد شہباز شریف ءِ کلوہ

اسلام آباد۔10دسمبر  (اے پی پی): مزن وزیر محمد شہبا ز شریف ءَ  کرپشن ءِ  وروکی ءَ  را  ہلاس کنگءِ جزم ءَ را  نوک  کتگ ء ُ اے گپ ءِ سرءَ زور پر داتگ کہ کجام ہم ملک  ءِ دیمروئی ء ُ وشھالی ءِ کشک ءَ   کرپشن یک مزنیں رکاوٹ اِت،  کرپشن کجام ہم ملک ءِ  روہتگاناں نیزور کنتء ُ آئی ءِ  معاشی ءُ انتظامی تباہی ءِ سوب جوڑ بیت، چاگردی ارزشت ءِ زوال  کجام ہم چاگردءَ را  کرپشن ءِ نیمگءَ  بارت۔ جمعہ ءِ روچءَ  کرپشن گرء ُداری ءِ  میاں اوستمانی  روچءِ د رگتءَ  مزن وزیرءَ گشتگ کہ 2022 ءَ  کرپشن گرء ُداری ءِ  میاں اوستمانی روچءَ کرپشن کجام ہم ملک ءِ سلامتی، امنء ُایمنی ء ُ دیمروئی ءَ گوں سیادی ءَ را تچک ءَ تچک پدر کنگ بوہگءَ اِنت۔  مرچیگیں روچ اے جزم ءِ ہم روچ اِنت کہ  ما درست پاکستانی یکجاہ ہوار بنت ء ُ  کرپشن ءِ جنگ ءَ  سوبین بن۔ مسلم لیگ ن ءَ دائمءَ ملک ءَ چہ کرپشن ءِ ہلاسی ءِ ھاترءَ عملی  گامگیج چست کتگ۔ 2013 ءَ چہ 2018 ، مسلم لیگ نءِ دور حکومتءَ   ملک ءَ کرپشن ءِ شرح جہلءَ اَتکگ کہ آئیءِ گواہ میاں اوستمانی  ادارگ ٹرانسپرنسی انٹرنیشنل ءِ  انڈیکس اَنت،  بنجاہی ء ُ صوبہ پنجاپ ءِ تک ءَ ارباں ڈالر ءِ سی  پیک ء ُ دومی دیمروئی منصوبہ  بندات کتگ ء ُ آسرءَ سرکتگ اَنت بلے کسے ہم ایشانی تہا یک کلدارے ءِ کرپشن ثابت کُت ناکتگ۔ مرچیگیں روچءَ  کرپشن گرء ُداریء ِ روچءَ اے گپ ءِ سرءَ زور پِر دیاں کہ پاکستان ءِ سیاست ءِ  تہا کرپشن ءَ را  بدلہ  گرگءِ رواج ءَ را  ہلاس کنگ لوٹ ایت، گوستگیں  دورءَ  کرپشن ءِ د روگیں  بھتان جنگ ء ُ سیاسی نامنوکاناں  جیل  آنی تہا  بند کنگ بوتگ کہ ایشی ءِ  ایچ وڑیں درور نیست، کرپشن ءَرا ذاتی   بدلہ گرگءِ ھاترءَ  کارمرز کنگ  بوتگ، اے رواج ءَرا ہلاس کنگ لوٹ ۔  مزن وزیر ءَگشتگ   کہ کرپشن یک مزنیں راجی جیڑہ اِت ، مارا وتی سیاسی گپء ُتران ءِتہا ہم اے گپ ءِ سرءَ دھیان   دیئگ ءِ ضلورت اِ نت کہ ایشی ءَ را سیاسی نعرہ بازی ء ُ پوائنٹ سکورنگ ءِ ھاترءَ کارمرز کنگءِ بدل ءَ   حکء ُ دل  ملک ءَ چہ کرپشن  ءَ را ہلاس کنگءِ ھاترءَ  گامگیج چست کنگ لوٹ ایت۔ آئی ءَ  گشتگ کہ مارا اسلام ءِ  رھبندانی سرءَ  عمل کنگ ء ُ ملک ءَ چہ کرپشن ءَ را ہلاس کنگءِ ھاترءَ ملکی ادارگاناں محکم کنگ لوٹ ایت، چاگردی رکینگ ءُ   ارزشتانی گوما کانود ءِ مزنی ءَ را الم  کنگ لوٹ ایت،  قائد ءِ کرپشن ءَ چہ پاک پاکستان ءِ  ھاترءَ یکجاہ ہوار کار کنگ لو ٹ ایر   گڑا نوں  پاکستان دیمروئی کنت۔ آئیءَ گشتگ کہ بیا اِت  کرپشن ءِ  گرء ُداری ءِ میاں اوستمانی روچءَ اے جزم ءِ درشانی ءَ کناں  کہ اے واب ءَ را الم ءَ پیلو کناں۔