سیڷ اٹی نوکاپ آن زہمی تے چھت تننگ بھاز بھلو چیلنج اسے، سخیک داکاریم اٹی حکومت تون تفر، وزیراعظم محمد شہباز شریف

اسلام آباد۔ 09 دسمبر (اے پی پی) وزیراعظم محمد شہباز شریف پارینے کہ سیڷ انا موسم اٹی نوکاپ زہمی بے اُرا بندغ آتے چھت فراوان کننگ بھاز بھلو چیلنج اسے، سخیک زیات آن زیات داکاریم اٹی حکومت تون تفر۔ جمعہ نادے آ تینا ٹویٹ اٹی وزیراعظم پارے کہ وخت تدینگ انگ تون اوار اوار نوکاپ زہمی تا مشکل آتیٹی پین ودکی مرسا کننگ ءِ و رواں سیڷ اٹی بے اُرا بندغ آتے چھت فراوان کننگ اسہ بھاز بھلو چیلنج اسے۔ وزیراعظم مینز یز ایوی ایشن گروپ و سپارزگروپ نا کنڈآن ٹانک اٹی زہمی تیکن 100 اُراتا عطیہ غا اوفتا منت واری ءِ ہرفسا پارے کہ حکومت نوکاپ زہمی تا بحالی و اوفتا رواں سیڷ اٹی چھت انا فراوانی کن اولیتی بنداو تیا گام گیج کننگ ءِ۔ وزیراعظم ملک انا سخی تیان خواست کرے کہ او داکاریم اٹی زیات آن زیات حکومت نا کمکءِ کیر، نن دا مشکل وخت اٹی تینا ایڑھ و ایلم چنا و بزرگ آتے اسُل تنیا الیپن۔