اسلام آباد۔ 09 دسمبر (اے پی پی) بنجائی وزیر داخلہ رانا ثناء اللہ خان پارینے کہ عمران خان فراڈیا دروغ انا خبر شہباز شریف نا برخلاف شینک کرسا کرے و تینٹ گھڑی دُزی کرسا کرے، ڈیلی میل انا معافی امنائی ءِ کہ دا دروغ نا ماسٹر مائنڈ عمران خان ءِ۔ جمعہ نادے آ تینا بیان اٹی وزیرداخلہ رانا ثناء اللہ خان پارے کہ عمران خان ’’ڈیلی میل‘‘ نا کمک اٹ شہباز شریف ءِ’’بلیک میل‘‘ کننگ نا کوشست کرے ، ہرا پاریکہ کہ نن کیس ءِ ہرنہ ، فیس ءِ آخا، ڈیلی میل انا معافی آن پد او کس اسے تینا ’’فیس‘‘ ءِ نشان تننگ نا قابل سلتو۔ اوپارے کہ پک مسنے کہ عمران خان دروغ تڑاسے، اسہ دروغ تڑ، دُز و بے ایمان اس لیڈر مننگ کپک، آئین نا رداٹ دروغ تڑ، دُز خائن لیڈر جوڑ مننگ کپک۔ اوپارے کہ پی ٹی آئی نا مخلوق دُز، دروغ تڑ ءِ لیڈر شپ نا عہدہ غان اینک کیر و اسہ نیک ءُ ایماندار اسے چیئرمین کیر۔
