اسلام آباد۔ 09 دسمبر (اے پی پی) بنجائی وزیر قومی جان جوڑی عبدالقادر پٹیل پارینے کہ حکومت میڈیکل نا بشخ انا شونداری و گچینی کن گچین و عملی گام گیج کننگ اٹی ءِ، پاکستان نا غٹ زندان تیٹی 2023 آن بند چناتے نرسنگ، الائیڈ ہیلتھ سائنسز و ایم بی بی ایس اٹی ایڈمیشن و تعلیم تننگک، پی ایم سی ءِ پارت جاری کننگانے۔ جمعہ نادے آ وزارت قومی جان جوڑی آن جاری بیان نا رداٹ بنجائی وزیر عبدالقادر پٹیل پارے کہ حکومت میڈیکل نا بشخ انا شونداری و گچینی کن گچین و عملی گام گیج کننگ اٹی ءِ۔ اوپارے کہ بروک آ سال 2023آن پاکستان نا غٹ زندان تیٹی بند چناتے نرسنگ، الائیڈ ہیلتھ سائنسز و ایم بی بی ایس ٹی ایڈمیشن و تعلیم تننگک۔ پاکستان نا غٹ پبلک سیکٹر میڈیکل یونیورسٹی تے دا لازم کننگک کہ اسہ چناس ہم اگہ زندان اٹی ڈاکٹر ہم جوڑ مننگ خوائے تو دا اونا حق ءِ۔ اوپارے کہ داچرجوئی ٹی پاکستان میڈیکل کمیشن ءِ پارت جاری کننگانے۔ اوپارے کہ زندان اٹی ساڑی لائخ و ہُشار چناتے ڈاکٹر، نرسز و میڈیکل نا بشخ اسے ٹی تعلیم دوئی کننگ کن وارخواہی فراوان کننگک، داکاریم نا مسخت زندان اٹی بند غٹ چناتے راج اٹی اسہ نمان ہند اس ترفنگ ءِ۔ اوپارے کہ حکومت راج انا ہر تپہ و بندغ ءِ اسہ وڑ آسراتی فراوان کننگ کن سنبرینگوک ءِ۔ راج انا شونداری کن ہر بندغ ءِ بریبر تعلیم نا آسراتی تننگ ننا فرض ءِ۔ تعلیم و جان جوڑی آن بیدس اسہ راج اس ہم شون ہلنگ کپک۔ اوپارے کہ ننا حکومت السی است خواہی تا ترجمانی ءِ کیک۔ الس نا راجی آسراتی خذمت ننا حقی نصب العین ءِ۔
