کوئٹہ۔ 09 دسمبر (اے پی پی) وزیراعلیٰ بلوچستان میر عبدالقدوس بزنجو پارینے کہ بلوچستان اٹی نوکاپ زہمی تے تنیا اِلیپنہ ، مالی مشکل آتیان پد ہم کس اسے نا مون آ دُو توپنہ، نوکاپ آن زہمی تے اُراتا تفنگ کن پیسہ ایتنہ تانکہ او تینٹ تینا اُراتے تفنگ کیر۔ داخیال آتا درشانی ءِ وزیراعلیٰ بلوچستان میر عبدالقدوس بزنجو جمعہ نادے آ میڈیا تون گپ وتران کرسا پارے۔ اوپارے کہ کہ بلوچستان اٹی نوکاپ زہمی تے تنیا اِلیپنہ ، مالی مشکل آتیان پد ہم کس اسے نا مون آ دُو توپنہ، نوکاپ آن زہمی تے اُراتا تفنگ کن پیسہ ایتنہ تانکہ او تینٹ تینا اُراتے تفنگ کیر، بنجائی حکومت ہر مشکل ساہت اٹی کمکاری دوئی مسنے، مسکوہی وزیراعظم عمران خان مرے یا ساڑی آ وزیراعظم میاں شہباز شریف ہڑتوم آک بلوچستان ءِ اہمیت تسر، پوسکن آاین ایف سی ایوارڈ وخت انا حالیت آتا گرج ءِ این ایف سی ایوارڈ نا رداٹ شیئرآئینی وڑاٹ تروک آ وخت آ بایدے ملے۔ اوپارے کہ بلوچستان نیمہ پاکستان ءِ ہرانا سیکورٹی ننکن غٹ آن بھلا چیلنج ءِ ننا زیات تر بجٹ امن و ایمنی نا حالیت آتے گچین کننگ آ خڑچ مریک داحقیقت ءِ کہ صوبہ مالی مشکل آتا گواچی ءِ، اوپارے کہ وزیراعظم نا منت وار اُن ہرا صوبہ ءِ مالی تنکی آن کشنگ کن بنجائی محکمہ غاتے پارت جاری کرے زوت پارلیمانی لیڈر آتون وار وزیراعظم تون اوڑدہی کینہ ، وزیراعلیٰ پارے کہ ہراتم اقتدار ءِ سنبھالان تو خزانہ خورک ئس مشکل حالیت آتیان پد ہم اسہ متوازن ءُ بجٹ اس پیش کرین بجٹ نا وخت آ نئے دھرنااس مس نئے کس اسے ہور ہرفنگ نا موقع ملا، اوپارے کہ ویل آک زیات ءُ وسیلہ غاک کم اوکان پد ہم مایوس افن، صوبہ نا مالی تنکی مرے یا ریکوڈک ڈٹ انا معاہدہ مچ آ اسمبلی ءِ پت اٹی ہلکن، وزیراعلیٰ پارے کہ بلوچستان پاکستان نا آخبت ءِ، پاکستان نا غٹ سیاسی لیڈرشپ ءِ بلوچستان نا ویل آتاایسری کن یکجا مروئی تمک، اوپارے کہ اقتدار ہنوک بروک ءُ گڑاسے الس نا خذمت ءِ فرض تکیوہ، وزارت اعلیٰ نا کرسی گچین مروک نمائندہ و الس نا امانت ءِ ، وزیراعلیٰ پارے کہ 18 می ترمیم نا رداٹ ہرا اختیار دوئی ءِ اوڑا سمجھوتہ کتنون الس نا فائدہ ٹی فیصلہ مچ آ کابینہ ءِ پت اٹی ہلسا کیوہ، ڈیم انا پِننگ آن بھاز نسخان مس زموار آتا تعین ءِ کینہ، ڈیم تا پِننگ نا بابت جاست وپاستی ٹیم انا رپورٹ دوئی مسنے، محکمہ غاتا لاپرواہی ءِ سگپنہ، اوپارے کہ دا تاثر غلط ءِ کہ بیورو کریسی کمک کپننگ ءِ یورپی یونین نا ڈل ءِ ٹائم تفننگ نا خبر آک غلط ءُ یورپی یونین نا ڈل اتون اوڑدہی مس کوآرڈنیشن نا سوب آن مننگ کتو ، یورپی یونین نا ڈل انا اوڑدہی وزیر و صوبہ بڑزکو کمامدارآتون بھاز جوان ئس، ڈل صوبہ نا پبی کمک ءِ کننگ نا باوری کرفینے، اوپارے کہ ای تینا کاریم ءِ ایمانداری اٹ کیوہ دوبہ خلوک آتا پرواہ اف، امریکی سفیر تون اوار ایلو درملکی ڈل آتے بلوچستان اٹی زرکاری نا سلہ خلک، وزیراعلیٰ پارے کہ پوسکن ءُ ضلع جوڑ کننگ نا بابت علاقہ و گچین مروک باسک آتا سلاہ ءِ اہمیت ایتنہ۔
