اسلام آباد۔8دسمبر (اے پی پی): مزن وزیر محمد شہباز شریف ءَ گوشتگ کہ سیلاپ ءِ آماچیں مردم آنی برجائی، دوارگ آبات کاری ءُ نوک سر جوڑیشت اولی ترجی انت، بے نظیر انکم سپورٹ پروگرام ءِ وسیلگ ءَ 70 ارب کلدار ساپ ءُ سلہ ائیں نمونگ ءَ بھر ءُ بانگ کنگ بوتگ۔ بنجاھی ءُ صوبائی حکومت، توامیں ادارگ ءُ سلاھ بندیں ارد آں سیلاپ ءِ آماچیں مردم آنی ریسکیو ءُ ریلیف ءِ واستہ یکجائی ءَ کار کتگ۔ دوستیں ملک، ڈن ملک ءَ نندوکیں پاکستانی ، کاروبائی ءُ سیر لاپیں مردم آناں سیلاپ ءِ آماچیں مردم آنی واستہ گس ءِ جوڑیشت ءَ گیشاں چہ گیش بھر زوری کنگ لوٹ ائیت۔ اے ھیالانی درشانی آئی ءَ پنچ شمبے ءَ ٹانک ءُ ڈیرہ اسماعیل خان ءِ سیلاپ ءِ آماچیں مردم آنی جوڑیشت کتگیں گس آنی بنگیجی مراگش ءَ گوں گشتانک دیانءَ کت۔ مزنوزیر ءَ گوشتگ کہ اللہ پاک ءِ فضل ءُ کرم ءَ چہ آماچیں مردم آنا گس ءِ پجاری کنگ بوھگ ءَ انت۔ سیر لاپیں مردم آنی کمک ءَ چہ ٹانک ءِ سیلاپ ءِ آماچیں مردم آناں گس ءِ پجاری جوانیں گپ ات۔ سیلاپ ءَ سرجمیں ملک ءَ تباہی کتگ۔ کساس 20 لکھ گس سرجمیں رنگ ءَ یا کمو پرشتگ انت۔ کشت ءُ کشار، توان ءُ رسانک ءِنظام پرشت ءُ پروش ءِآماچ بوتگ انت۔ بنجاھی ءُ صوبائی حکومت آناں مالی کمک لائک ءِ توسیپی ل انت۔ آماچیں مردم آنی واستہ گس ءِ پجاری ءِ واستہ کیپٹن (ر) شجاعت عظیم ءُ آئی ءِ ٹیمب ءُ شریکدار آنی شگر ءُ منت واری ءَگراں۔ سیلاپءِ ساھت ءَ این ڈی ایم اے ءُ پی ٹی ایم اے ءَ جوانیں کار کتگ۔ سندھ ءَ سیلاپ ءَ چہ بازیں تاوان رستگ۔ پنجاپ ءُ بلوچستان ءِ لستیں ضلع ھم سیلاپ ءَ چہ سک باز آماچ بوتگ انت۔ چاریں صوبگ آنی سر وزیر آں آماچیں مردم آنی کمک ءِ واستہ یکجائی ءَ کار کتگ۔ مئے آسراتی کمو بوتگ انت۔ سیلاپ ءِآماچیں مردم آنی کمک ءِ واستہ یکجائی ءَ کار کتگ۔ مئے آسراتی باز کموک انت۔ سیلاپ ءِ آماچیں مردم آنی کمک ءَ دوستیں ملک آنی بے کساس شگر ءُ منت وار آں آئی ءَ بالیگ جہاز ءُ ٹرین آنی وسلیگ ءَ کمکی سامان سندھ، خیبر پختونخوا ءُ بلوچستان ءَ پجارینتگ، ورگی ساپیں آپ ءِ پلانٹس دیگ بوتگ۔ سعودی عرب، گتر ، ترکیہ ءُ ایندگر ملک آں پاکستان ءِ گیشاں چہ گیش کمک کتگ۔ بنجاھی وزیر شازمیہ مری ءِ سروکی ءَ بے نظیر انکم سپورٹ ءِ وسیلگ ءَ آماچیں مردم آناں 70 ارب کلدار بھر ءُ بانگ کتگ، بنجاھی وزیر توان خر م دستگیر خان ءُ آئی ءِ وزارت ءِ توان ءِ برجائی ءِ واستہ شپ ءُ روچ کار کتگ۔ آئیءَ گوشتگ کہ آماچیں دمگ آنی انفراسٹرکچر ءِ برجائی ءِ واستہ سیادی داروکیں ادارگ آنی کوشست لائک ءِ ستا اَنت۔
