اسلام آباد۔ 08 دسمبر (اے پی پی) صدر مملکت ڈاکٹر عارف علوی چیئرمین جوائنٹ چیفس آف اسٹاف کمیٹی جنرل ساحر شمشاد مرزا و چیف آف آرمی اسٹاف جنرل عاصم منیر ءِ نشان امتیاز (ملٹری ) تسنے، دا بابت خصوصی دود پنچ شنبےنادے آ داڑے ایوان صدر اٹی اڈ ہلک۔ وزیراعظم شہباز شریف ہم دود اٹی بشخ ہلک۔ داوخت آ چیئرمین سینیٹ محمد صادق سنجرانی، اسپیکر قومی اسمبلی راجہ پرویز اشرف، بنجائی وزیر آک، پارلیمنٹ نا باسک آک، سینئر فوجی آفیسر و سفارت کار آک ہم ساڑی ئسر۔ صدر مملکت عارف علوی چیئرمین جوائنٹ چیفس آف اسٹاف کمیٹی و چیف آف آرمی اسٹاف ءِ ملک اکن اوفتا شاندار خذمت آتیا نشان امتیاز(ملٹری ) تس۔ جنرل شمشاد مرزا 1987ٹی انفنٹری بٹالین اٹی کمیشن کرے۔ اوکمانڈ اینڈ اسٹاف کالج کوئٹہ و نیشنل ڈیفنس یونیورسٹی اسلام آباد آن گریجویشن کرے۔ اوکرین فیلڈ یونیورسٹی برطانیہ غان ایم ایس سی (گلوبل سیکورٹی ) کورس اٹی ہم بشخ ہلک۔ تینا شاندار فوجی کیریئر اٹی جنرل ساحر شمشاد مرزا چندی کمانڈ، اسٹاف و انسٹرکشنل اسائمنٹ آتیا خذمت سرتس۔ اونا اہم اسٹاف تقرری تیٹی اِرا انفنٹری بریگیڈز نا بریگیڈ میجر، پاکستان کنٹیجینٹ اقوام متحدہ نا مشن سیرالیون اٹی جنرل اسٹاف آفیسر گریڈ۔1(پلانز) ، ڈائریکٹر ملٹری آپریشنز و ڈائریکٹر جنرل ملٹری آپریشنز، وائس چیف آف جنرل اسٹاف، ایڈجوٹنٹ جنرل و جنرل ہیڈ کوارٹر اٹی چیف آف جنرل اسٹاف اوار ءُ۔ ہندا وڑ جنرل سید عاصم منیر احمد شاہ اپریل 1986ٹی 23 فرنٹیئر فورس رجمنٹ اٹی کمیشن دوئی کریسس و او 17 می اوٹی ایس کورس انا اعزازی تلوار دوئی کرے۔ او فوجی اسکول جاپان، کمانڈ اینڈ اسٹاف کالج کوئٹہ، ملائیشین آرمڈ فورسز کمانڈ اینڈ اسٹاف کالج کوالالمپور و نیشنل ڈیفنس یونیورسٹی اسلام آباد آن گریجویٹ ءِ۔ اوپبلک پالیسی و اسٹریٹجک سیکورٹی مینجمنٹ اٹی ایم فل نا ڈگری ہم دوئی کرے۔ تینا شاندار فوجی کیریئر اٹی جنرل عاصم منیر چندی کمانڈ، اسٹاف و انسٹرکشنل اسائمنٹ آتیا خذمت سرتس۔ اونا نمان اسٹاف تقرری تیٹی انفنٹری بریگیڈ نا بریگیڈ میجر ، چیف آف جنرل اسٹاف سیکرٹریٹ اٹی جنرل اسٹاف آفیسر گریڈ۔ 2، ڈائر کٹنگ اسٹاف کمانڈ اینڈ اسٹاف کالج کوئٹہ و چیف آف اسٹاف آف اسٹرائیل کور اوار ءُ۔ جنرل عاصم منیر 23 فرنٹیئر فورس رجمنٹ انفنٹری بریگیڈ ، فورس کمانڈ ناردرن ایریاز و 30 کور انا کمانڈ کرینے۔ او سعودی عرب اٹی پاکستان نا ہیلکاری دستہ نا کماشی ءِ ہم کرینے۔ اودے ڈائریکٹر جنرل ملٹری انٹیلی جنس و ڈائریکٹر جنرل انٹر سروسز انٹیلی جنس نا حیثیت اٹ پاکستان نا ہڑتوم آ اہم انٹیلی جنس ایجنسی تا سروکی نا منفرد اعزاز ہم دوئی ءِ۔ چیف آف آرمی اسٹاف نا وڑاٹ ترقی و تقرری آن مست او پاکستان آرمی نا کوارٹرماسٹر جنرل ئسک۔ جنرل عاصم منیر ءِ جنرل نا عہدہ غا ترقی ترسا 29 نومبر 2022 آ چیف آف آرمی اسٹاف تعینات کننگا۔
