اسلام آباد۔ 08 دسمبر (اے پی پی) سوئی ناردرن گیس پائپ لائنز لمیٹڈ(ایس این جی پی ایل) نا ترجمان پارے کہ توانائی نا جہانی تنکی و ملک اٹی گیس انا پیدوار اٹی کمتی آن پد ہم کمپنی صارف آتے گیس انا فراوانی کن کوشست کننگ ءِ، اِرغ کتخ کننگ نا وخت آتیٹی صارف آتے گیس انا فراوانی ءِ پک کننگک۔ پنچ شنبےنادے آ ترجمان پارے کہ ایس این جی پی ایل صارف آتے گیس انا فراوانی ءِ پک کننگ کن گام گیج کننگ ءِ، داوخت آ جہانی کہول آ دنیا ءِ توانائی نا تنکی مون تروک ءِ و ملک اٹی ہم گیس انا پیدوار اٹی کمتی مننگ ءِ، کمپنی نا کوشست ءِ کہ صارف آتے گرج آتا رداٹ گیس فراوان کننگے، دا چرجوئی ٹی اِرغ کتخ کننگ نا وخت آتیٹی گیس انا فراوانی ءِ پک کننگ انگ ءِ، سہب انا 6 بجہ غان سہب انا 9 بجہ اسکان، نیمروچ نا 12 بجہ غان 2 بجہ اسکان و شام انا 6 بجہ غان نن نا 9 بجہ اسکان ارغ کتخ کننگ نا وخت آتیٹی گیس انا فراوانی ءِ پک کننگک۔
