اسلام آباد۔ 13مئی(اے پی پی) چیئرمین نیب چوہدری قمر زمان پارینے کہ ملک آن بدعنوانی نا چٹفنگ ننا اولیت ئِ۔ نیب انا ساڑی انتظامیہ بیرہ دونیم سال اٹی 45ارب روپئی نا ریکوری کرسا قومی خزانہ ٹی جمع کرفینے۔ نیب انسداد بدعنوانی نا جامع و فعال حکمت عملی اس اختیار کرینے ہرانا اعتراف ئِ ٹرانسپرنسی انٹرنیشنل، جہانی اقتصادی فورم و پلڈ اٹ ہم کرینے۔ ہفتہ نا دے اوتینا اسہ بیان اسے ٹی پارینے کہ بدعنوانی ہر برائی نا ماس ئِ و قومی احتساب بیورو کریسی ہر بہاآ بدعنوانی نا چٹفنگ کن پرعزمئِ۔ اوپارے کہ نیب بھلو کچ اسے ٹی پلوک آ پیسہ غاتے پدی ہلسا قومی خزانہ ٹی جمع کرفینے۔ ساڑی آ مداٹی نیب انسداد بدعنوانی نا جامع و فعال حکمت عملی اس اختیار کرینے ہراٹی کرپشن نا برخلاف آگاہی اونا توننگ و ملک آن اودے ماس آن کشنگ و خسنگ کن گام گیج آک اوار ئُ۔
