مدینہ منورہ ۔ 08 دسمبر (اے پی پی) سعودی عرب نا الحرمین الشریفین انتظامیہ پارینے کہ مسجد نبوی ٹی زائرآتیکن 8 تُو آن 7 ہزار آن زیات منشاکار خذمت سرتننگ اٹی ءُ۔ سعودی خبررساں ادارہ مسجد نبوی نا انتظامیہ نا بیان نا بابت پارے کہ منشاکار آک چندی خذمت پیش کننگ آن بیدس ڈٹ انا پوروی ٹی بشخ ہلنگ ءُ۔ انتظامیہ پارے کہ منشاکار آک 47 چندی خذمت فراوان کریر، مسہ لکھ 50 ہزار گھنٹہ کاریم کریر و مچی ءِ منظم کننگ، معذور زائر آتے آسراتی فراوان کننگ آن بیدس طبی خذمت و عمومی راہشونی فراوان کریر۔ اونا پاننگ ئسک کہ منشاکار آک چندی بولی تیٹی زائر آتا راہشونی ءِ کریر وخت اس کہ ہلہلہ ئی حالیت آتیٹی ہلال احمر تون ہم کمک کرینو۔ انتظامیہ پارے کہ زائر آتا خذمت کن منشاکار خذمت فراوان کننگ نا خواہندار آتیکن خصوصی پورٹل اس جوڑ کننگانے ہراڑے خواہندار آک تینا اندراج ءِ کرفنگ کیرہ۔
