اسلام آباد۔ 08 دسمبر (اے پی پی) حکومت جاپان پاکستان انسداد پولیو پروگرام کن 3.87 ملین امریکی ڈالر آن زیات نا گرانٹ فراوان کرسا تینا کمکاری ءِ ودفینے ، دا گرانٹ ءِ المی پولیو ویکسین نا ہلنگ کن کاریم اٹ اتنگک ہراڑان پاکستان اٹی دینی ضلع غاتیٹی پنچ سال آن کم وئی نا 18.61 ملین آن زیات چناتا ویکسی نیشن مریک۔ حکومت جاپان و یونیسیف و جاپان انٹرنیشنل کوآپریشن ایجنسی (جائیکا) و یونیسیف نا نیام اٹ معاہدہ غا دستخط مس۔ بنجائی وزیر جان جوڑی عبدالقادر پٹیل و ایلوفک دود اٹی بشخ ہلکر۔ پاکستان پولیو پروگرام تدوک آ 30 سال اٹی پولیو دین آن زہمی چناتا کچ اٹی تاریخی کمتی ایسنے۔ پولیو نا چٹفنگ کن حکومت نا عزم انا تذکرہ ءِ کرسا بنجائی وزیر جان جوڑی عبدالقادر پٹیل پارے کہ انسداد پولیو پروگرام سرسہبی اٹ خیبرپختونخوانا ہندی ضلع غاتسکان دین انا گردش ءِ محدود کرینے۔ نن 2023ء اسکان پولیو نا چٹفنگ کن سنبرینگوک و پراومیت اُن، اوپولیو نا چٹفنگ کن جاپان نا حکومت و ڈونرآتا بدل مفروک عزم انا ستاءِ کرینے۔ حکومت جاپان 1996 ء آن پاکستان پولیو پروگرام تون کمکاری نا نتیجہ ٹی پولیو ویکسین نا چناتسکان رسینگ ءِ ممکن کننگ ءِ ہراڑان چناتے مچ آ وئی نا معذوری آن بچفنگ انگ ءِ، یونیسیف نا توسط اٹ پاکستان اٹی پولیو پروگرام ءِ سپورٹ کننگ کن حکومت جاپان نا کنڈآن داتم اسکان 238.66 ملین ڈالر آن زیات نا گرنٹ و وام تا زر تسنے۔ جاپان نا سفیروادا متسوہیرو حکومت پاکستان و یونیسیف نا سویلی خیبرپختونخواٹی ہلہلہ ئی ویکسی نیشن مہم و قطبی وزیرستان اٹی ٹرانزٹ پوائنٹ جوڑ کننگ آ اونا سخت کوشست آتا ستاءِ کرے۔ جائیکا نا چیف نمائندہ کینوشتہ یوسومتسو پارے کہ داہیت ستاکڑزک کہ پولیو پروگرام نوکاپ آن زہمی ضلع غاتیٹی نوکاپ نا کمکی کوشست آتیٹی کمک کرینے، بنداوی طبی خذمت، دیر آن ودی مروک آ ناجوڑی تا درمان و تولیدی وئی نا چنا و زالبول آتے رکھی ٹیکہ خلنگ کن ہیلتھ کیمپ ملنگانے۔
