اسلام آباد۔7دسمبر (اے پی پی):صدر مملکت ڈاکٹر عارف علوی ءَ گوں بنجاھی وزیر ھزانگ سینیٹر اسحاق ڈار ءَ گوں گند ءُ نند کت ءُ آئی ءَ ملکی جاور ھال ، معیشت ءُ سیلاپ ءِآماچیں مردم آنی آسودگی ءَ ھوار ایندگر کار آنی بابت ءَ سرپد کت۔ چار شمبے ءَ ایوان ءِ سر ءِ پریس ونگ ءِ نیمگ ءَ جاڑی بوتگیں بیان ءِ رد ءَ وزیر ءِ ھزانگ ءَ صدر مملکت ءَ را راھواریں معاشی جاور ھال ءُ چاگرد ءِ ھمزوریں تبک ءَ را ریلیف پجاری کنگ ءِ واستہ حکومتی گامگیج آنی بابت ءَ سر پد کت۔ گند ءُ نند ءَ مالیات، معیشت ءُ سیلاپ ءِ آماچیں مردم آنی آسودگی ءِ ھوالگ ءَ جتا جتائیں کار آنی بابت ءَ ھیال ریچی کنگ بوت۔
