اسلام آباد۔ 07 دسمبر (اے پی پی) اسپیکر قومی اسمبلی راجہ پرویز اشرف پارینے کہ قومی سلامتی پالیسی (این ایس پی ) نا نفاذ کن قومی و سیاسی امنائی سلاہ نا گرج ءِ۔ سیاسی امنائی سلاہ این ایس پی ہدف آتا دوئی کننگ نا اسٹ انگا کسر ءِ۔ داخیال آتا درشانی ءِ او چارشنبےنادے آ بنجائی وزیر پارلیمانی امور مرتضیٰ جاوید عباسی تون اوڑدہی ٹی کرے۔ اسپیکر قومی اسمبلی راجہ پرویز اشرف پارے کہ پاکستان ءِ جہانی موسمیاتی چیلنج آتا مون تروک ءِ انتئے کہ ساڑی آ بھسکار نوکاپ آن جانی و مالی نسخان مسنے۔ اوپارے کہ راجی و اقتصادی چیلنج آتون مون تننگ کن خور، و دیر انا رکھ بے حد اہم، لس بندغ نا شونہالی و قومی سلامتی پالیسی کون آ ہدف آتا دوئی کننگ کن قومی امنائی سلاہ المی ءِ۔ بنجائی وزیر پارلیمانی امور مرتضیٰ جاوید عباسی پارے کہ پارلیمنٹ ہی اسٹ انگا پلیٹ فارم ءِ ہراڑے سیاسی امنائی سلاہ ودی کننگ مریک۔ اوپارے کہ ملک انا شونداری و قومی ویل آتیا سیاسی راہشون و سیاسی جماعت آ تانیام اٹ امنائی سلاہ اٹ گنڈوک ءِ۔ اودا چرجوئی ٹی اسپیکر قومی اسمبلی نا کنڈآن کمکاری نا ستا ءِ کرے۔
