اسلام آباد۔ 07 دسمبر (اے پی پی) شنگھائی کمکار تنظیم نا باسک ملک آتا 9 می وزراء انصاف دیوان 9 دسمبر آ وزارت کانود و انصاف اٹی اڈ ہلیک۔ شنگھائی کمکار تنظیم نا باسک ملک آتا 9 می وزراء انصاف نا دیوان ورچوئل مریک۔ چارشنبےنادے آ وزارت کانود و انصاف آن جاری بیان نا رداٹ داتم اسکان شنگھائی کمکار تنظیم نا باسک ملک آتا وزراء انصاف نا 8 دیوان مسنے ہراکہ باسک ملک آتا چندی شارتیٹی اڈ ہلکنے۔ تدوک آ سال ویڈیو کانفرنس نا کمک اٹ تاجکستان اٹی اڈہلوک آ ہشت می وزراء انصاف دیوان نا اسیجائی اعلامیہ ٹی داہیت آ امنا کننگا کہ بروک آ دیوان 2022 اٹی پاکستان اٹی اڈتننگک۔ 9 می وزراء انصاف دیوان اٹی چین، روس، قازقستان ، کرغزستان ، تاجکستان ، ازبکستان ، بھارت و پاکستان نا وزیر انصاف آک تران کیرہ۔
