آرمی چیف لین آف کنٹرول آ بھارتی سم کاری نا گچین ورندی تننگ و ورناتا جوش و جوزہ نا ستائِ کرے
راولپنڈی۔ 13مئی (اے پی پی) چیف آف آرمی اسٹاف جنرل قمر جاوید باجوہ ہفتہ نا دے لین آف کنٹرول آ نکیال سیکٹر نا دورہ ئِ کرے۔ کور کمانڈر راولپنڈی لیفٹیننٹ جنرل ندیم رضا ہم اوڑتون اوار ئس۔ پاک فوج انا شعبہ تعلقات عامہ (آئی ایس پی آر) نا کنڈآن جاری پریس ریلیز نا رداٹ آرمی چیف جنرل قمر جاوید باجوہ ئِ لین آف کنٹرول نا حالیت آتیا بریفنگ تننگا ، آرمی چیف ورناتے تون اوڑدہی کرے و آپریشنل تیاری تیا است جمی نا درشانی ئِ کرے۔ آرمی چیف لین آف کنٹرول آ بھارتی سم کاری نا گچین ورندی ئِ تننگ و ورناتے جوش و جوزہ نا ستائِ کرے۔ آرمی چیف بنوں ٹی آپریشن اٹی جام شہادت نوش کروک آ لیفٹیننٹ خاور نا اُراغا ہنا و لمہ وطن کن شہید و اونا خاہوت نا قربانی تا ستائِ کرے۔
