اسلام آباد۔ 07 دسمبر (اے پی پی) گوادر اٹی جہانی بالی پٹ انا تفنگ جون 2023 اسکان پورو مریک ہراڑان شار شونداری نا پوسکن آ دور اٹی داخل مریک۔ گوادر پورٹ کمامدارآتا رداٹ سی پیک ڈٹ انا رداٹ گوادر شار ءِ مرکزی اہمیت دوئی ءِ ہرانا سوب آن شار اٹی جہانی وڑانا بالی پٹ بھاز المی ئسک ہرانا تفنگ نا بناتدوک آ سال مس۔ داوخت آ ڈٹ آ کاریم ترندی اٹ برجاءِ۔ پوسکن آ بالی پٹ انا رن وے آ دنیا نا غٹ آن بھلا مسافر بردار جہاز اے۔380 ءِ ہم لینڈنگ و بال کننگ نا آسراتی دوئی مریک ۔ حکومت گوادر اٹی برجا غٹ شونداری ڈٹ آتے پورو کننگ کن سنبرینگوک ءِ۔ گوادر اٹی 230 ملین ڈالر نا خڑچ آن تفنگوک آ بالی پٹ گوادر شار و پورٹ انا شونداری کن پیش خیمہ پک مریک۔ بالی پٹ انا تفنگ آن ہراڑے گوادر جہانی شار انا درجہ دوئی کیک ہموڑے دا ڈٹ آن روزگار نا وارخواہی ودی مریک و دا بالی پٹ شار انا شونداری ٹی ہم بھاز کمکار مریک۔
