وزیرخارجہ رانا ثناء اللہ نا مسلم لیگ (ن) نا مرکزی راہشون بیگم نجمہ حمید ایماندار نا اُراغا بس، ایماندار نا مار، ایڑھ طاہرہ اورنگزیب و مریم اورنگزیب تون ہڑزخواہی نا درشان

راولپنڈی۔ 06 دسمبر (اے پی پی) وزیرداخلہ رانا ثناء اللہ خان سے شنبے نادے آ داڑے پاکستان مسلم لیگ (ن) نا مرکزی راہشون و سینئر پارلیمنٹرین بیگم نجمہ حمید ایماندار نا اُراغا ہنا و ایماندار بیگم نجمہ حمید نا کزیت آ ایماندار نا مار، ایڑھ طاہرہ اورنگزیب ، ایڑھ انا مسڑ مریم اورنگزیب و ایلو خاہوت تون اوڑدہی و ہڑزخواہی کرے۔ داوخت آ گپ وتران کرسا اوپارے کہ نجمہ آپا زالبول آتیان بیدس نرینہ سیاست دان تیکن ہم اسہ قابل تقلید درور اس ئسک۔ اوپارے کہ پیدائشی مسلم لیگی نا وڑاٹ غٹ وئی او نظریہ پاکستان، جمہوریت و السی حق انا جہد اٹی گدریفے۔ بیگم کلثوم تون اوار بیگم نجمہ حمید نا جمہوری جہد تاریخ نا روشنا بشخ ءُ ہرافتے اسُل است آن دننگ مفک۔ وزیرداخلہ ایماندار نا درجہ غاتا بڑزی و خاہوت کن صبر و جمیل نا دعا کرے۔