راولپنڈی۔ 13مئی (اے پی پی) بھارتی فوج انا کنڈآن لین آف کنٹرول آ سیز فائر نا پدریسہ خلاف ورزی تا چرجوئی ہفتہ نا دے ہم برجاسلیس و بھارتی فوج انا بلااشتعال سم کاری آن 3 شاری ٹھپی مسر۔ پاک فوج انا کنڈآن بھارتی بلااشتعال سم کاری نا پبی ورندی تننگا۔ ہفتہ نا دے پاک فوج انا شعبہ تعلقات عامہ (آئی ایس پی آر) نا کنڈآن جاری پریس ریلیز نا رداٹ بھارتی فوج لین آف کنٹرول آ کیرالہ، کوٹ کوٹیرہ، کھوئی رٹہ، سبز کوٹ، بارو، ٹینڈر و خنجر سیکٹر آتیٹی سیز فائر نا خلاف ورزی ئِ کرسا بلااشتعال سم کاری کرے۔ پاک فوج اناکنڈآن سہب انا ہفت بجہ غان جاری دا سم کاری نا پبی ورندی تننگ انگ ئِ ، بھارتی فوج انا سم کاری آن 3 شاری ٹھپی مسر ہرافتے ٹی حاجی محمد یونس ولد عبدالعزیز، ریحانہ بی بی زوجہ محمد آصف و ثمینہ بیگم زوجہ طفیل مغل اوار ئُ۔
