اسلام آباد۔06 دسمبر (اے پی پی): ناشرکار دوستیں ہندو آں بابری مسیت ءِ شہید کنگ ءِ 30 سال ءَ چہ پد وتی ایجنڈا آنی پد ءُ رندی ءَ کنان ءَ تاریخی تاج محل ءَ را ھم کسد ءُ کینگی چماں گوں چارگ بندات کتگ ایشی ءَ چہ بھارت ءَ اسلامی کوھنیں جاہ ءُ ھند خطرہ ءِ توک ءَ بوتگاں۔ آ دروگ برگ ءَ انت۔ تاج محل ءِ بندات ہندو دور ءَ بوتگ، نریندر مودی ءِ سروکیں گل بھارتیہ پارٹی (بی جے پی) ءِ یک سروکے ءِ نیمگ چہ جم کتگیں یک رٹ پٹیشنے ءَ تاج محل ءِ “راستیں راجدپتر ءِ وانشت” کنگ ءِ واستہ فیکٹ فائنڈنگ کمیٹی ءِ لوٹ کنگ بوتگ ایشی ءِمول ءُ مراد یونیسکو ءِ دود ءُ ربیدگی جاہ تاج محل ءَ را ہندو آنی میراس نامینگ انت۔ ایودھیا ءَ بی جے پی ءِ میڈیا سروک رجنیش سنگھ ءَ وتی دزبید ءَ اے نیمونگ پیش کتگ کہ اے گپ ءَ را ثابت کنگ ءِ واستہ اچ سائنسی ثبوت نیست انت کہ مغل بادشاہ شاہ جہان ءَ تاج محل ءِ جوڑیشت کتگ بوتگ۔ ایشی ءَ ابید کہ بھارتی آمید گس ءَ آئی ءِ اے کوشست ءَ را ناکام کتگ بوتگ پدا ھم بی جے پی ءِ سروک بازیں سروک بازیں سال آں چہ تاریخ ءَ چہ ڈن وت جوڑیشتیں گال ءُ گپ کن انت کہ تاج محل بندر ءَ یک ہندو مندر ءِ بوتگ۔ ایش مغل بادشاہ شاہ جہان ءِ دور ءُ باریگ ءَ چہ باز پیسر جوڑ کنگ بوتگ۔ ہندو توا ءِ گوما آر ایس ایس سرجمیں بھارت ءَ مسلم سروک آنی جوڑیشت کتگیں تاریخی یاتگیر آنی ھلاپ ءَ بیانیہ پیش کنگ ءَ انت۔ بی جے پی ءِ دور ءِ حکومتءَ آر ایس ایس ءِ راستیں باسکی ءِ ہندو آنی شہر آنی نام مٹ کنگءُ سرجمیں بھارت ءَ 36,000 ءَ چہ گیش مسیت آناں مندر آنی جاہ ءَ جوڑ کنگءِگامگیج چلائینگ ءَ انت اے شہر آنی تہءَ علی گڑھ، دیوبند، فرخ آباد، بدایوں،سلطان پور، فیروز آباد ءُ شاہجان پور ھوار انت۔ یوپی حکومت پیسر ءَ چہ فیض آباد ءِ نام ایودھیا ءُ الہ آباد ءِ نام ءِ مٹ کتگ ءُ پریاگ راج ءِ کتگ۔ مودی ءِ نزیکیں کمکار ءُ یو پی ءِ سر وزیر یوگی آدتیہ ناتھ ھما ضلع یا دمگ کہ آوانی تہ ءَ مسلمان گیش انت آوانینام ءَ رامٹ کنگ ءُ مسلمانی ءِ پجار ءَرا دور کنگ ءِ کوشست ءَ دزگٹ انت۔ 2017 ءَ ونئے کٹیار ، ایش کہ آ اے وھد ءَ بی جے پی ءِراجیہ سبھاءِ باسک بوتگ ، آئی ءَ گوشتگ کہ بندر ءَ یک شیو مندر ات ایشی ءِ نام ‘تیجو مہالیہ’ انت، ایشرا “بندر ءَ ” یک ہندو ءِ ءَ جوڑ کتگ بوتگ۔ تاج محل ءِ استیں واکیہ ءَ 6 دسمبر 1992 ءَ تاریخی بابری مسیت ءِ شہادت ءِ ٹپ ءُ زیم آناں پدا تاجگ کتگ۔ رام جم بھومی موومنٹ ءِ صدر ایل ءِ ایڈوانی ءِ سروکی ءَ ایودھیا ءَ بابری مسیت ءِ شہادت بی جے پی ءُ آر ایس ایس ءِ اے گپ ءُ گال آناں دمینگ بوتگ ایودھیا ءَ مندر ھما جاہ ءَ جوڑ کنگ بوتگ۔ ھمودا ہندو دیوتا بھگوان رام ءِ پیدائش بوتگ۔ ہندو راج دوست گروپ وشوا ہندو پریشد (آر ایس ایس ءِ جھلی گروپ) ءِ ترجمان شری راج نائر ءَ گوشت کہ اے یک ٹوھیں کامیاتی ءِ بوتگ۔ مودی ءِ دومی دور ءِ حکومت ءَبابری مسیت ءِ شہادت ءَ گوں دست مانجنیں توامیں ملزم آناں سی بی آئی ءِ ھاسیں آمید گس ءَ بری کنگ بوتگ ات، ایشی ءَابید اے گواچن ءَ چہ بابری مسیت ءِ شہادت ءِ اھوال ءُ ویڈیوز آنی ریکارڈنگ بوتگ، آمیدگس ءَ گوشت کہ ثبوت قابل ءِ قبول نہ انت۔ ہندو توا ءِ لیکہ ءِ چیر دستی ءَ قبضہ ءَ گپتگیں بابری مسیت ایوک نہ انت ایشی ءَ چہ پیسر 17 ھپدھمی کرن ءِ گیانواپی مسیت ایش مغل بادشاہ اورنگزیب ءَ جوڑیشت کنائینتگ بوتگ پدا ھم ہندو ناشرکار آنی گپ ءُ گال آنی سوگند انت کہ اے وشویشور مندر ءِ سر ءَ جوڑ کنگ بوتگ ادا 2021 ءَ کشاں چیل ءُ جنگ ءُ چوپ بوتگ ۔ ادا پنچ زالبول آں یک پٹیشن ءِ جم کت کہ آوانی مسیت ءِ اندر ءَ نماز وانگ ءِموہ دیگ بہ بیت۔ یکیں پٹیشن گیش بوھان ءَ 15 جتا جتائیں درخواست ءِ رنگ ءَ جم کنگ بوت انت۔ ایشی ءَ ابید راستیں باسک ءِ ہندو گروپ جامع مسیت شمسی ءِ ھوالگ ءَ ھم اے دعوٰٰی کنگ ءَ انت ایشرا نیل کانٹھ مہادیو ءِ مندر ءَ را پروشگ بوتگ۔ بد بھتی ءَ چہ میاں اوستمانی برات ءَ بھارت ءَ بی جے پی ءِ سروکی ءَ ہندو توا ءِ نیمگ ءَ چہ مسلمان ءُ ایندگر گور آنی ھلاپ ءَ بنی آدمی ھک آنی لگت مال کنوک آنی مکن کنگءَ چم مُچ کتگ انت۔ بھارت ءَمسلمان آنی تاریخی میراس ءُ ماڑی آنی رکھینگ ءِ واستہ میاں اوستمانی تک ءَ مھکمیں کار رپک کنگءِضلورت انت۔
