دیمروئی کتگیں ملک آناں وامانی سرءَ ریلیف ءِ ضلورت اِنت، حکومتءَ نیزگار تریں ضلع آنی ھاترءَ 40 ارب کلدار ایر کتگ، ڈاکٹر احسن اقبال ءِ تران 

اسلام آباد۔5دسمبر  (اے پی پی): منصوبہ بندی ءِ دیمروئی  وزیر پروفیسر ڈاکٹر احسن اقبال ءَ گشتگ کہ  دیمروئی کتگیں  ملک آناں وامانی سرءَ ریلیف دیئگءِ    ضلورت اِنت، حکومت ءَ نیزگا تریں ضلع  آنی  ھاترءَ 40 ارب کلدارءِ بجٹ ایر کتگ ، منصوبہ بندی ءُ دیمروئی ءِ وزارت ءِتہا ایس ڈی جیز یونٹ جوڑ کنگ بوتگ، پاکستان ءَ  ہارءَ چہ بوتگیں  نقصان 46.4 ارب ڈالر ءَ سربوتگ اَنت، ہارءِ سوب ءَ  نیزگاریءِ تہا 3.7 درسد ءَ چہ 4 درسد گیشی بوتگ، 84 لکھءَ چہ 91 لکھ مردم نیزگاریءِ  آماچ  بوتگ اَنت، ہارءَ چہ  3 کروڑ 30 لکھ آباتی آماچ  بوت،  25 درسد نیزگار تریں ضلع آنی تہا ءَ چہ ہم 19 ضلع ہارءِ  آماچ بوتگ اَنت، فرینڈز آف پاکستان کانفرنس 10 جنوری ءَ  کنگ بیت۔ ا ے ھیالانی درشانی آئیءَ دوشمبے ءِ روچ ءَ  ادارہ برائے پائیداردیمروئی  کانفرنس ء َ گوں تران کنان ءَ کتگ۔ بنجاہی وزیر ءَ گشتگ کہ پاکستان ءَ را ہارءَ   پد بازیں جیڑہ ءُ جنجالانی دیمپانی کنگ بوہگءَ اِنت۔سارک ملک  آنی  تہا موسمیاتی مٹ ءُ بدلی ءِ جیڑہ ء ُ جنجالانی دیمپانی کنگ بوہگءَ اِنت، سارک ملک آں موسمیاتی مٹء ُ بدلی روس ءُ یوکرین ءِ جنگءَ چہ گیش ھترناک اِنت، سارک ملک آں موسمیاتی مٹءُ بدلی میاں اوستمانی براتیءِ  دلگوشی ءَ لوٹاں، میاں اوستمانی کمکی ادارگ سارک ملک آناں 30 ءَ چہ 35 سالی مدت ءِ وام بہ دنت۔  احسن اقبال ءَ  نیزگار تریں ضلع آنی ھاترءَ 40 ارب کلدارءِ بجٹ ایر کتگ، دیمروئیءُ منصوبہ بندی ءِ وزارتءِ تہا ایس ڈی جیز یونٹ جوڑ کنگ بوتگ، پاکستان ءَ ہارءَ چہ بوتگیں نقصان 46.4 ارب ڈالرءَ سربوتگ اَنت، ہارءِ سوب ءَ  نیزگاری ءِ تہا 3.7 درسد ءَ چہ 4 درسد گیشی بوتگ، 84 لکھ  ءَ چہ 91 لکھ مردم نیزگاری ءِ آماچ بوتگ اَنت، ہارءَ چہ 3 کروڑ 30 لکھ مردمانی آبادی آماچ بوتگ اَنت، 25  نیزگار تریں ضلع آں چہ ہم 19 ضلع ہارءِ  آماچ بوتگ اَنت۔ آئی ءَ گشتگ کہ فرینڈز آف پاکستان کانفرنس 10 جنوری ءَ  کنگ بیت۔ بنجاہی وزیر ءَ گشتگ کہ پاکستان موسمیاتی مٹء ُ بدلی ءِ سوب  ءَ چہ درستاں چہ گیش آماچ بوتگ، ہارءِ سوب ءَ لکھاں مردم بے روزگار بوتگ اَنت،  سماجی رکینگ ءِ پروگرامانی سرءَ گیش دلگوشی کنگءِ ضلورت اِنت، گرین ہائوس گیسز ءِ تہا خطہ ءِ  بہر باز کم اِنت۔ آئیءَ  گشتگ کہ جنوبی ایشیا ء دنیاءِ  یک پدمنتگیں خطہ اِت ، 6 سال ءَ چہ ما سارک سمٹ ءِ  کنگ ءِ فیصلہ نا ، مارا وت ما وتءَ جنگ ءِ بدل ءَ  نیزگاری، بے روزگاری موسمیاتی مٹءُ بلدلی ءِ  حلاپءَ جنگ  کنگءِ ضلورت اِنت۔