حکومت نا بینظیر کفالت پروگرام نا رداٹ خواجہ سرا تے ہر مسہ تُو آن پد 7 ہزار روپئی تننگک، فیصل کریم کنڈی

اسلام آباد۔ 05 دسمبر (اے پی پی) وزیراعظم نا خصوصی کمکار تخفیف نیزگاری و راجی رکھ فیصل کریم کنڈی پارینے کہ حکومت بینظیر انکم سپورٹ پروگرام نا کمک اٹ اولیکو وار خواجہ سراتے بینظیر کفالت پروگرام نا بشخ اس جوڑ کننگ نا فیصلہ کرینے۔ تینا اسہ بیان اسے ٹی فیصل کریم کنڈی پارے کہ بینظیر کفالت نا رداٹ خواجہ سراتے ہر مسہ تُو آن پد 7 ہزار روپئی تننگک۔ غٹ خواجہ سراک بی آئی ایس پی نا لوکل تحصیل دفتراٹی تینا رجسٹریشن ءِ کرفر، مہالو آن رجسٹریشن مروک خواجہ سراتے اگہ دا زر ملپننگ ءِ تو او تینا اپیل ءِ درج کننگ کیرہ۔ اپیل آ درکار آب انا رداٹ اہل خواجہ سراتے دازر ءِ تننگک۔ بینظیر کفالت پروگرام اٹ اوار مننگ کن نادرا ٹی بطور خواجہ سرا اندراج المی ءِ۔ سہ ماہی قسط انا زرتس ڈیٹا ءِ پک کننگ آن پد بذریعہ بینک کننگک۔ ہروڑنا کمک کن بی آئی ایس پی نا خڑک انا دفتر یا ہیلپ لائن 080026477آ رابطہ کننگ مریک۔